राष्ट्रीवादीत मोठ्या हालचाली? कोअर कमितटीच्या बैठीकत रोहित पवारांची अनुपस्थिती, बड्या नेत्याने थेट…

मुंबईमध्ये राष्ट्रवादी काँग्रेसच्या (NCP) कोअर कमिटीची एक महत्त्वपूर्ण बैठक वाय.बी. चव्हाण सेंटरमध्ये पार पडली. या बैठकीला पक्षाचे नेते रोहित पवार मात्र अनुपस्थित होते. त्यांनी पत्राद्वारे पक्षाला गैरहजेरीचे कारण कळवले असल्याची माहिती आहे. या बैठकीमध्ये अनेक गंभीर मुद्द्यांवर चर्चा करण्यात आली. नाशिकच्या कुंभमेळ्याच्या नावाखाली समोर आलेल्या बोगस भरती रॅकेटचा मुद्दा प्रामुख्याने चर्चिला गेला. बेरोजगारांना फसवण्याचा हा प्रयत्न असून, यामध्ये सूत्रधारांवर तातडीने कारवाई करण्याची मागणी करण्यात आली. तसेच, शासकीय भरती प्रक्रियेतील पेपरफुटी आणि इतर गैरव्यवहारांवरही प्रकाश टाकण्यात आला.

भ्रष्टाचाराच्या एका वेगळ्या प्रकरणात मंत्र्यांच्या नातेवाईकांचे नाव पुढे आल्याची आणि त्याची चौकशी सुरू झाल्याची माहिती देण्यात आली. यामध्ये काही जागांच्या अधिग्रहणाबाबत आणि आपल्या जवळच्या लोकांसाठी रस्ते वळवण्याच्या प्रयत्नांवरही चर्चा झाली. यावरही कारवाई होणे आवश्यक असल्याचे मत व्यक्त झाले. याशिवाय, राष्ट्रवादी काँग्रेसच्या विलीनीकरणाची चर्चा सातत्याने सुरू असून, आजच्या बैठकीत यासंदर्भातही विचारमंथन झाले का, याबाबत उत्सुकता आहे. दोन्ही राष्ट्रवादी एकत्र येतील अशा चर्चा राजकीय वर्तुळात रंगल्या आहेत.