Sanjay Raut | देशाचा अपमान सहन करणार नाही; संजय राऊतांची पंतप्रधान नरेंद्र मोदींवर टीका

शिवसेना ठाकरे गटाचे खासदार संजय राऊत यांनी पंतप्रधान नरेंद्र मोदी यांच्यावर टीका करत त्यांच्याकडून तत्काळ राजीनाम्याची मागणी केली आहे. रशियाकडून तेल खरेदी करण्यास अमेरिकेकडून 30 दिवसांची सूट दिल्यानंतर राऊत यांनी सोशल मीडियावर ट्विट करत ही प्रतिक्रिया दिली. या ट्विटमध्ये संजय राऊत यांनी केंद्र सरकारच्या भूमिकेवर प्रश्न उपस्थित करत देशाचा अपमान हिंदुस्थान सहन करणार नाही, असे म्हटले आहे. तसेच अशा प्रकारची परवानगी ही गुलामांना दिली जाते, अशी टीकाही त्यांनी केली.
दरम्यान, या वक्तव्यामुळे राजकीय वर्तुळात चर्चांना उधाण आले असून राऊत यांच्या या टीकेवर विविध स्तरांतून प्रतिक्रिया उमटण्याची शक्यता व्यक्त केली जात आहे.