Sanjay Raut Tweet | ठाकरेंचे खासदार एकनाथ शिंदेंच्या संपर्कात, मातोश्रीचं टेन्शन वाढताच राऊतांनी शेअर केला व्हिडीओ; कडक इशारा काय?

आज हिंदू आणि मराठी नवीन वर्षाची सुरुवात झाली आहे. सर्वजण एकमेकांना शुभेच्छा देत असताना, शिवसेना ठाकरे गटाचे खासदार संजय राऊत यांनी सकाळीच एक कडक संदेश दिला. राऊत यांनी काँग्रेस नेते राहुल गांधी यांचा एक जुना व्हिडिओ एक्स (Twitter) वर शेअर केला आहे. या व्हिडिओमध्ये राहुल गांधी यांनी काँग्रेस पक्ष सोडून जाणाऱ्या नेत्यांवर टीका केली आहे. राहुल गांधी म्हणतात की, “तुम्ही तुमचा जीव वाचवा, घर वाचवा, करिअर वाचवा, पण पक्ष सोडल्याने मला काही फरक पडत नाही.” हा व्हिडिओ शेअर करत राऊत यांनी “कहाणी अच्छी है!” असे कॅप्शन दिले. त्यांनी हा व्हिडिओ नेमका नवीन वर्षाच्या दिवशीच का पोस्ट केला, हे मात्र स्पष्ट केलेले नाही. तरीही, या पोस्टमुळे राजकीय वर्तुळात चर्चा सुरू झाली आहे. राऊत यांनी हा व्हिडिओ शेअर करून पक्ष सोडणाऱ्यांना इशारा दिला आहे का, असा प्रश्न उपस्थित होत आहे.