Sunetra Pawar | नाव पुकारलं मात्र… कृषी पुरस्कार वितरण कार्यक्रमात सुनेत्रा पवारांना वेटिंगवर ठेवलं? भर मंचावर…

आज महाराष्ट्र कृषीदिन आहे. कृषीदिनानिमित्त आयोजित करण्यात आलेल्या कृषी पुरस्कार वितरण सोहळा उत्साहात साजरा करण्यात आला. या कार्यक्रमात उपमुख्यमंत्री देवेंद्र फडणवीस, सुनेत्रा पवार तसेच इतर अनेक नेते हजर होते. यावेळी उपस्थितांना संबोधित करताना उपमुख्यमंत्री देवेंद्र फडणवीस यांनी सरकार सध्या शेतकऱ्यांसाठी कोण-कोणत्या योजना राबवत आहे आणि भविष्यात कोणत्या योजना राबवल्या जाणार आहेत? तसेच सरकारचे कृषीच्या प्रगतीसाठी काय धोरण आहे, याबाबत माहिती दिली. मात्र या कार्यक्रमात एक घोळ झाल्याचं दिसून आलं. या कार्यक्रमात उपमुख्यमंत्री सुनेत्रा पवार यांच्याशी संबंधित प्रोटोकॉल पाळला गेलेला नाही असं दिसून आलं. यावेळी भाषणासाठी नाव पुकारलं मात्र भाषण झालंच नाही, असं सांगितलं जात आहे.

या गोंधळानंतर त्यांचा सत्कार झाला अन् पुन्हा नाव पुकारण्यात आलं, मात्र सत्कारानंतर मुख्यमंत्र्यांचे आगमन झाले त्यामुळे त्यांना पुन्हा थांबावे लागले. त्यानंतर आयोजकांना चूक लक्षात आली आणि नंतर कार्यक्रम सुरळीत झाला. मात्र कार्यक्रमात दोनदा सुनेत्रा पवार यांना बोलावलं त्या वेळी भाषण करता आलं नाही. या सबंध प्रकरणानंतर कृषी पुरस्कार वितरण कार्यक्रमात सुनेत्रा पवारांना वेटिंगवर ठेवलं? अशा चर्चांना उधाण आलं आहे.