धक्कादायक! थलपती विजयचं फेक अकाऊंट चक्क… जळगाव कनेक्शन समोर, नेमकं काय घडलं?

तामिळनाडूचे मुख्यमंत्री सी. जोसेफ विजय यांच्या नावाने बनावट खाते तयार करून आक्षेपार्ह कमेंट केल्याप्रकरणी चेन्नई सायबर पोलिसांनी जळगाव येथील एका होमगार्डला ताब्यात घेतले आहे. हा गंभीर प्रकार समोर आल्यानंतर तातडीने कारवाई करत पोलिसांनी या होमगार्डला अटक केली. मिळालेल्या माहितीनुसार, काही दिवसांपूर्वी तामिळनाडूचे मुख्यमंत्री सी. जोसेफ विजय यांच्या नावाने समाज माध्यमांवर एक बोगस (बनावट) खाते तयार करण्यात आले होते. या खात्यावरून आक्षेपार्ह आणि बदनामीकारक टिप्पण्या (कमेंट्स) पोस्ट करण्यात आल्या होत्या. या घटनेची माहिती मिळताच, चेन्नईतील आनंदनगर पोलिस ठाण्यामध्ये अज्ञात व्यक्तींविरोधात गुन्हा दाखल करण्यात आला होता.

या प्रकरणाचे गांभीर्य लक्षात घेऊन चेन्नई सायबर पोलिसांनी तपास सुरू केला. तांत्रिक माहितीच्या आधारे, पोलिसांनी या बनावट खात्यामागे जळगाव येथील एक होमगार्ड असल्याचे निष्पन्न केले. त्यानंतर, सायबर पोलिसांनी जळगावात येऊन संबंधित होमगार्डला ताब्यात घेतले. मुख्यमंत्र्यांच्या नावाने बनावट खाते तयार करून आक्षेपार्ह टिप्पणी करणे हा एक गंभीर गुन्हा असून, यामुळे सायबर सुरक्षेचे महत्त्व पुन्हा एकदा अधोरेखित झाले आहे. पुढील तपास चेन्नई सायबर पोलिस करत आहेत.