मुंबई, 8 ऑगस्ट 2023 | मुंबईच्या रेल्वेमध्ये महिला प्रवाशांच्या सुरक्षिततेचा मुद्दा पुन्हा ऐरणीवर आला आहे. दादर रेल्वेस्थानकात काल एक अत्यंत धक्कादायक घटना घडली आहे. दादर रेल्वे स्टेशनवर धावत्या ट्रेनमधून एका तरुणीला खाली फेकले. दारूच्या नशेत एका व्यक्तीने या तरुणीला ट्रेनमधून धक्का दिला आणि ती खाली पडली. सुदैवाने तरूणी थोडक्यात बचावली आहे. या घटनेमुळे एकच खळबळ उडाली. पुण्याहून मुंबईकडे येणाऱ्या उद्यान एक्स्प्रेसमधून तरुणीला फेकल्याची धक्कादायक घटना घडली आहे. या प्रकरणी आरोपीविरोधात गुन्हा दाखल करण्यात आला असून रेल्वे पोलिसांनी अटक केली आहे.