हातात तलवार अन् चेहऱ्यावर रूबाब… मालवणच्या ‘राजकोट’वरचा शिवरायांचा नवा पुतळा कसा असणार? कधी होणार अनावरण?

सिंधुदुर्ग जिल्ह्यातील मालवणमधील राजकोट किल्ल्यावरील शिवरायांचा पुतळा उभारण्याचं काम पूर्णत्वाच्या जवळ आलं आहे. छत्रपती शिवाजी महाराज यांच्या पुतळ्याचं १ मे रोजी अनावरण करण्याचा सरकारचा प्रयत्न सुरू आहे. महाराष्ट्र दिनाचे औचित्य साधत या भव्य पुतळ्याचे अनावरण करण्यासाठी सरकारकडून प्रयत्न होत आहेत. छत्रपती शिवाजी महाराज यांचा पुतळा उभारताना डूप्लेक्स स्टीलचे फ्रेमवर्क वापरण्यात आल्याची माहिती मिळतेय. जगविख्यात शिल्पकार राम सुतार यांनी शिवरायांचा नवा पुतळा साकारला आहे. तर नव्या पुतळ्याचे आयुर्मान १०० वर्ष असून कोणत्याही नैसर्गिक वादळांना तोंड देईल असे सांगितले जात आहे. तर पुतळा उभारणीच्या कामासाठी जवळपास ३२ कोटी रूपये खर्च आला असल्याची माहिती आहे. यासह मालवणमधील राजकोट किल्ल्यावरचा योद्धा रूपात शिवरायांचा पुतळा असणार आहे. चबुतरा, तलवारीसह पुतळ्याची उंची ८३ फूट तर प्रत्यक्ष पुतळ्याची उंची ही ६० फूट इतकी असणार आहे.