Digital : डिजिटल बँकिंगचा बोलबाला! देशातील 75 जिल्ह्यांत डिजिटल सुविधा, तुम्हाला मिळणार या सुविधा..
Digital : केंद्र सरकार ग्रामीण भागातील खातेदारांसाठीही डिजिटल बँकिंगची सुविधा देत आहे..
नवी दिल्ली : कोरोना महामारीत (Corona) अनेक लोकांनी बँकिंगचे काम ऑनलाईन (Online) करण्यालाच प्राधान्य दिले. देशात डिजिटल बँकिंग (Digital Banking) मोठ्या तेजीने लोकप्रिय होत आहे. केंद्र सरकारही Digital Banking साठी अनुकूल असून त्यासाठी सरकारी पातळीवर वेगाने घडामोडी घडत आहेत.
Digital Banking ला प्रोत्साहन देण्यासाठी केंद्र सरकारने देशातील 75 जिल्ह्यात 75 डिजिटल बँकिंग युनिट्सची स्थापना केली आहे. त्यामुळे अनेक बँकांवरील कामकाजाचा ताण तर कमी होईलच पण ग्राहकांनाही तासनतास रांगेत उभे राहण्याची गरज नाही.
ग्रामीण भागातील लोकांना अद्यापही ऑनलाईनचा अनुभव नाही. एकतर फसवणुकीच्या प्रकारामुळे अनेक जण ऑनलाईन बँकिंगकडे दुर्लक्ष करतात. पण बँकेतील या युनिट्समुळे त्यांना व्यवहार करणे सोपे होईल. त्यांना ऑनलाईन बँकिंगसाठी मदतही करण्यात येणार आहे.
ऑनलाईन बँकिंग तुमच्या जिल्ह्यात सुरु झाल्यास, तुम्हाला काय काय फायदा होईल आणि काय सुविधा मिळतील हे पाहुयात..
कोणत्याही व्यक्तीला त्याचे बचत खाते ऑनलाईन पद्धतीने उघडता येईल. ग्राहकांना ऑनलाईन बँकिंगच्या मार्फत खात्यातील शिल्लक रक्कमेची माहिती घेता येईल. ग्राहकांना त्यांच्या व्यवहाराचा तपशील पासबुकवर प्रिंट करुन मिळेल. ग्राहक दुसऱ्या व्यक्तीला रक्कम हस्तांतरीत करु शकतील.
डिजिटल बँकिंगमुळे ग्राहकांना ऑनलाईन मुदत ठेव योजनेचे खाते उघडता येईल. ग्राहकांना कर्जासाठी ऑनलाईन अर्ज दाखल करता येईल. क्रेडिट-डेबिट कार्डसाठी त्यांना अर्ज दाखल करता येईल.
ग्राहक त्यांचा खात्याचा तपशील, स्टेटमेंटद्वारे बघू शकतो. ग्राहक वार्षिक कर ही भरु शकतो. ग्राहकाला वीज, पाणी आणि गॅसच्या बिलाची रक्कम जमा करता येईल.
या ऑनलाईन बँकिंगमुळे ग्राहकांना आता खात्यात रक्कम जमा करण्यासाठी काऊंटरवर जाण्याची गरज नाही. रोख रक्कम जमा करणाऱ्या मशीनमध्ये रक्कम जमा करता येईल. तसेच एटीएममधून रक्कम काढता येईल.
