Budget 2020: केंद्र सरकार LIC मधील भागीदारी विकणार : अर्थमंत्री निर्मला सीतारमण

नवी दिल्ली : केंद्रीय अर्थमंत्री निर्मला सीतारमण यांनी आज (1 फेब्रुवारी) लोकसभेत अर्थसंकल्प 2020 सादर (Government LIC Partnership) केला. नवीन वर्षातील अर्थसंकल्पात निर्मला सीतारमण यांनी मोठी घोषणा केली. सरकारी विमा कंपनी भारतीय जीवन विमा निगममध्ये (LIC) असलेली भागीदारी सरकार विकणार आहे. तसेच आयडीबीआय बँकेतील भागीदारीही सरकार विकणार (Government LIC Partnership) आहे, असं सीतारमण यांनी भाषणात सांगितले.

भारतीय जीवन विमा निगमचा आयपीओ लाँच करण्यात येणार आहे. या माध्यमातून सरकार एलआयसीमध्ये आपली भागीदारी करणार आहे. भारतीय जीवन विमा निगमची भागीदारी विकणार असल्याची मोठी घोषणा केल्यानंतर विरोधी पक्षाने याला जोरदार विरोध दर्शवला.

भागीदारीबाबत खुलासा नाही?

सरकार आयडीबीआय बँकेची भागीदारीही खासगी कंपन्यांना विकणार आहे. पण याचे सर्व नियंत्रण सरकारकडे असणार आहे. सरकारकडे याची एकूण किती भागीदारी असणार याबाबत सरकारने अद्याप खुलासा केलेला नाही.

पैसे जमा करण्याच्या किंमतीत वाढ

बँकेत जमा असलेल्या विमाच्या मर्यादेत एक लाखावरुन वाढ करुन ती किंमत आता पाच लाख करण्यात आली आहे. तसेच जमा असलेल्या विमाच्या पैशांवरील गॅरंटीही वाढवण्यात आली आहे.

एलआयसीच्या NPA मध्ये वाढ

आर्थिक वर्ष म्हणजेच 2019-20 च्या सुरुवातीच्या सहा महिन्यात (एप्रिल ते सप्टेंबर) एलआयसीच्या गैर निष्पादित संपत्ती म्हणजे NPA मध्ये 6.10 टक्के वाढ झाली आहे. हा NPA खासगी क्षेत्रातील एस बँक, आयसीआयसीआय, एक्सिस बँकेंच्या NPA जवळ आहे.

NPA मध्ये वाढ झाल्याने खासगी क्षेत्रातील प्रसिद्ध बँकाही अस्वस्थता वाढताना दिसत आहेत. आर्थिक वर्ष 2019-20 च्या दुसऱ्या तिमाहीत एस बँकेचा NPA 7.39 टक्के, आयसीआयसीआयचा 6.37 टक्के आणि एक्सिस बँकेचा एनपीए 5.03 टक्क्यापर्यंत पोहोचला होता.