Assembly Election Results 2026 : राजकीय कलांचा थेट परिणाम! शेअर बाजाराची जोरदार उडी, एकाच झटक्यात…

Share Market 4 May : भारतीय शेअर बाजारासाठी आजच्या दिवसाची आणि या आठवड्याची सुरूवात एकदम शानदार झाली आहे. 5 राज्यातील विधानसभा निवडणुकांच्या निकालाच्या पार्श्वभूमीवर, आज, 4 मे 2026 रोजी शेअर बाजारात प्रचंड तेजी दिसून आली. सुरुवातीच्या कलांनुसार, पश्चिम बंगाल, आसाम आणि पुदुचेरीमध्ये भारतीय जनता पक्षाने आपली पकड मजबूत केसल्याचे दिसून आले, ज्यामुळे आठवड्याच्या पहिल्याच व्यापार दिवशी सेन्सेक्स तेजीने उघडला. बाजाराच्या सुरुवातीला, सेन्सेक्स 500 अंकांनी वधारला आणि 77, 440 चा इंट्राडे उच्चांक ओलांडला. निफ्टी 50 मध्येही जोरदार तेजी दिसून आली. मात्र, अर्ध्या तासाच्या आतच सेन्सेक्समध्ये पुन्हा तेजी आली आणि सकाळी सुमारे 9.40 पर्यंत सेन्सेक्सने 900 अंकांचा टप्पा ओलांडला होता.

बाकी इंडेक्सचा हाल

शेअर बाजारासाठी या आठवड्याची सुरुवात दमदार झाली. BSE Sensex हा उघडताच 587.50 (0.76%)) वाढून उघडताच 77,501 च्या जवळपास पोहोचला. तर दुसरीकडे निफ्टी हा देखील 192.95 अंकांनी (0.80%) वाढून 24,190 वर पोहोचला. आज बँकिंग आणि वित्तीय क्षेत्रातही चांगली खरेदी दिसून आली. Nifty Bank 325 अंकांनी वाढून 55,188 वर पोहोचला, तर Nifty Financial Services देखील 150 अंकांनी वाढून 25,807 वर पोहोचला. सेक्टरवाईज पाहिलं तर, ऑटो क्षेत्रातील शेअर्स 2% पेक्षा जास्त वाढले, तर FMCG क्षेत्रातही 1% पेक्षा जास्त वाढ झाल्याचे दिसून आलं.

आज, बाजारात तेजीचा स्पष्टपणे कल दिसून आला. एकूण 903 शेअर्सचा व्यापार सुरू झाला, त्यापैकी 742 शेअर्समध्ये वाढ झाली आणि केवळ 107 शेअर्समध्ये घट झाली. तर 54 शेअर्समध्ये कोणताही बदल झाला नाही. शिवाय, 69 शेअर्सनी त्यांच्या 52 -आठवड्यांचा उच्चांक गाठला, तर केवळ 7 शेअर्सनी नीचांक गाठला. इतकेच नव्हे, तर 36 शेअर्स अप्पर सर्किटमध्ये आणि 13 शेअर्स लोअर सर्किटमध्ये अडकले होते, ज्यामुळे बाजारातील मजबूत तेजीचा कल दिसून आला.