Recruitment 2021 : ‘या’ मोठ्या कंपनीत नोकरी करण्याची नामी संधी; अर्ज करण्यासाठी आज शेवटचा दिवस

BHEL तर्फे एकूण 60 जणांना तांत्रिक विभागात शिकाऊ उमेदवार म्हणून नोकरीवर घेतले जाणार आहे. (bhel recruitment 2021 apprentices salary)

hurl application 2021

Prajwal Dhage | Updated on: Mar 06, 2021 | 10:50 AM

मुंबई : नोकरीची गरज आणि काहीतरी शिकण्याची इच्छा बाळगणाऱ्यांसाठी भारत हेवी इलेक्ट्रिकल्स लिमिटेडतर्फे (BHEL) एक नामी संधी चालून आली आहे. BHEL तर्फे एकूण 60 जणांना तांत्रिक विभागात शिकाऊ उमेदवार (Technician Apprentice) म्हणून नोकरीवर (BHEL Recruitment 2021) घेतले जाणार आहे. त्यासाठी अर्ज प्रक्रियासुद्धा सुरु झाली असून अर्ज करण्यासाठीचा आजचा शेवटचा दिवस आहे. त्यामुळे ज्या उमेदवारांना BHEL सारख्या प्रतिष्ठीत संस्थेत कामाचा अनुभव घेण्याची इच्छा असेल तर त्यांना अर्ज करण्याची आजची शेवटची संधी आहे. (bhel recruitment 2021 will hire 60 apprentices for different posts 8 thousand salary)

विविध पदासाठी 60 जागा

भारत हेवी इलेक्ट्रिकल्स लिमिटेडतर्फे (Bharat Heavy Electricals Limited, BHEL) विविध विभागात 60 शिकाऊ उमेदवारांना भरती करण्यात येत आहे. निवड झालेल्या उमेदवारांना BHEL मध्ये विविध पदांवर नोकरी दिली जाईल. यासाठी अर्ज करण्याची 6 मार्च म्हणजेच आजची शेवटची तारीख आहे. BHEL ने दिलेल्या माहितीप्रमाणे मेकॅनिकल, ईईई, ईसीई, सिव्हील और कॉम्यूटर इंजीनियरिंग या विभागांत शिकाऊ उमेदवार म्हणून भरती प्रक्रिया राबवली जाणार आहे.

अर्ज कसा करावा?

Technician Apprentice या पदासाठी अर्ज करायचा असेल तर तो सुरुवातीपासूनच काळजीपूर्वक भरावा लागेल. कारण अर्ज भरताना कोणतीही चूक झाली तर तो दुरुस्त करण्यासाठी पर्याय उपलब्ध नाही. उमेदवाराला सर्वप्रथम bharatplacement.com या वेबसाईटवर जाऊन अर्ज डाऊनलोड करावा लागेल. त्यांनतर हा फॉर्म भरून लागणारी सर्व कागदपत्रं या फॉर्मसोबत जोडून पूर्ण अर्ज dks@bhel.in या मेलवर पाठवावा लागेल. मेल पाठवताना ‘The DY Manager, HRDC, BHEL, Ranipet PO & DT Pin code 632406’ हा पत्ता टाकणे आवश्यक आहे.

कोठे, किती जागा?

भारत हेवी इलेक्ट्रिकल्स लिमिटेडतर्फे एकूण 60 जागांसाठी शिकाऊ उमेदवार घेतले जातील. त्यामध्ये मेकॅनिकलसाठी 35, ईईई-6, ईसीई-5 आणि सिव्हीलसाठी 10 जागा असतील. या जागांसाठी अर्ज करायचा असेल तर कोणत्याही मान्यताप्राप्त बोर्डामधून इयत्ता 12 पर्यंतचे शिक्षण पूर्ण केलेले असणे गरजेचे आहे.