Mangaon Suicide Attempt : बायको येईना सासरी, नवरा चढला टॉवरवरी; पोलिसांच्या शिताफिने तरुणाचे वाचले प्राण
पोलिसांनी दिलेल्या माहितीनुसार, गुरुवारी 4 जुलै रोजी सायंकाळी 4 वाजण्याच्याा सुमारास माणगाव पोलीस ठाणे हद्दीत कोस्ते आदिवासी वाडी येथील एक तरुण टॉवरवर चढला.
माणगाव : बायको नांदायला येत नसल्याने तिच्या विरहातून पती (Husband) आत्महत्येसाठी विद्युत टॉवर (Electric Tower)वर चढल्याची घटना माणगाव तालुक्यातील कोस्ते आदिवासी वाडीत घडली आहे. पोलिसांनी तत्परता दाखवून या तरुणाचे प्राण वाचवल्याने पोलिसांच्या या कामगिरीचे सर्वत्र कौतुक होत आहे. अनिल गोपाळ जाधव (23) असे सदर पतीचे नाव आहे. माणगाव तालुक्याचे उपविभागीय अधिकारी यांनी त्वरीत घटना ठिकाणी धाव घेतली. आत्महत्या (Suicide) करण्यासाठी त्या टॉवरवर चढलेल्या अनिल जाधव याला तुला कोणीही काहीही बोलणार नाही, असा विश्वास देऊन खाली उतरून आत्महत्येपासून परावृत्त केले.
पोलिसांनी अथक प्रयत्नांनी तरुणाला खाली उतरवले
पोलिसांनी दिलेल्या माहितीनुसार, गुरुवारी 4 जुलै रोजी सायंकाळी 4 वाजण्याच्याा सुमारास माणगाव पोलीस ठाणे हद्दीत कोस्ते आदिवासी वाडी येथील एक तरुण टॉवरवर चढला. अनिल गोपाळ जाधव असे त्याचे त्या तरुणाचे नाव असून, पत्नी सोबत नांदण्यास येत नाही म्हणून उच्चदाब विद्युत टॉवरवर आत्महत्या करण्यासाठी चढला. त्यानंतर डीवायएसपी प्रवीण पाटील आणि त्यांचे सहकारी घटनास्थळी पोहचले. हा टॉवर म्हसळा डिव्हीजनच्या अधिपत्याखाली येत असल्याने पोलिसांनी म्हसळ्यात फोन लावून टॉवर बंद करण्यास सांगितले. त्यानंतर माणगाव पोलिसांनी त्याच्या पत्नीला घटनास्थळी बोलावून घेतले. टॉवरवर चढलेल्या अनिल जाधव याला अथक प्रयत्नाने खाली आणण्यात माणगाव पोलिसांना यश आले. माणगाव पोलिसांचे सर्वच स्तरावर कौतुक होत आहे. (A youth tries to commit suicide by climbing an electricity tower in Mangaon for his wife)
