Video : कांदिवलीत दिवसाढवळ्या तुंबळ हाणामारी, कांदिवली की वासेपूर? स्थानिकांचा सवाल

मुंबई : मुंबईतल्या कांदिवलीतील दोन व्हिडिओ (Viral Video) सध्या सोशल मीडियावर चांगलेत व्हायरल होत आहेत. हे व्हिडिओ दिवसढवळ्या कशी तुफान हाणामारी (Fighting)सुरू आहे, हे दाखवणारे आहे. हल्ल्याचा पहिला व्हिडिओ कांदिवली पश्चिम इराणीवाडी क्रमांक चारचा आहे, तर दुसऱ्या हल्ल्याचा व्हिडिओ (Mumbai Crime) कांदिवली पश्चिम येथीलच एका विद्यालयातील विद्यार्थ्यांचा आहे, पहिल्या व्हिडिओमध्ये एक मुलगा काही लोकांना शिवीगाळ करताना आणि मारहाण करताना दिसत आहे. तर दुसरा एक अत्यंत भयानक व्हिडिओ समोर आला आहे. ज्यात एक घट तुफान मारहाण एका विद्यार्थ्याला करताना दिसून येत आहे. हे व्हिडिओ सध्या सोशल मीडियावर वाऱ्यासारखे व्हायरल झालेत. पोलिसांनी यातील एका व्हिडिओतल्या मारामारीसाठी कारवाई सुरू केल्याचे सांगितले आहे.

हल्ल्याचा पहिला व्हिडिओ

pic.twitter.com/Lva11M24nl

— TV9 Marathi (@TV9Marathi) March 17, 2022

भररस्त्यात तुफान हाणामारी

हा व्हिडिओ कांदिवली पश्चिमेतील इराणीवाडी क्रमांक चार रिक्षा स्टँडजवळचा आहे, या व्हिडिओमध्ये तुम्ही बघू शकता की एक मुलगा एका माणसाला मारतोय, मग लोक त्याला पकडायला जात असताना तो त्याच्या बॅगेतून शस्त्र काढतोय असं बोलतोय. एवढंच नाही. , तो एक मोठा दगड उचलून हल्ला करणार आहे. दुसऱ्या हल्ल्याचा व्हिडिओ एका कॉलेजचा आहे, ज्यामध्ये एक विद्यार्थी रागाच्या भरात 10 ते 12 मुलांसह एका विद्यार्थ्याला लाथा मारताना दिसत आहे. आजुबाजुचे लोक मात्र यात केवळ बघ्याची भूमिका घेतल्याचे दिसून येत आहे.

स्थानिकांमध्ये भीतीचे वातावरण

दिवसाढवळ्या मारहाणीचे हे दोन्ही व्हिडीओ कांदिवली पश्चिम भागातील आहेत, सध्या हे दोन्ही व्हिडीओ व्हायरल झाल्यानंतर कांदिवली पोलीस याप्रकरणी काय कारवाई करतात हे पाहावे लागेल.कॉलेजचे सीसीटीव्ही व्हायरल झाल्यानंतर एफआयआर नोंदवून दोघांवर हल्ला करणाऱ्या दोघांना अटक करून पुढील तपास सुरू असल्याचे कांदिवली पोलिसांनी सांगितले. मात्र या घटनांनी सध्या कांदिवलीत दहशतीचे वातावरण पसरवले आहे. भररस्त्यात घडणारे असे प्रकार थांबणार कधी? असा सवाल पोलिसांकडून विचारण्यात येत आहे.  पोलिसांनी असे प्रकास थांबवण्यासाठी कठोर पाऊलं उचलावी अशी मागणी स्थानिकांकडून करण्यात येत आहे.

Pune Crime| पुण्यात प्रेम प्रकरणातून मारहाण, तरुणाचा मृत्यू ; नेमक काय घडलं?

पुण्यात महिलेला 65 हजारांचा गंडा, ऑनलाईन केक बूक करताना फसवणूक, OTP सांगणं महागात

Aurangabad | तोंडावरचा मास्क काढला अन् CCTV नं टिपला, कुख्यात गुन्हेगार पप्पू घिसाडी प्रेयसीच्या घरातून पकडला