तीन वर्षांपूर्वी विवाह, पदरात लहान मूल, माहेरी जाऊन पत्नीची निर्दयपणे हत्या
लातूर शहरातील अवंती नगर भागात राहणाऱ्या एका विवाहितेची हत्या करण्यात आली. महिलेची तिच्याच पतीने निर्दयीपणे गळा चिरुन हत्या केल्याची घटना घडली आहे. दोघांमध्ये सतत भांडणं होत असल्याचा दावा केला जातो.
लातूर : पतीनेच पत्नीची हत्या (Husband Killed Wife) केल्याची धक्कादायक घटना उघडकीस आली आहे. गळा चिरुन विवाहितेचा खून (Murder) करण्यात आला. लातूर शहरातील (Latur Crime) अवंती नगर भागात ही घटना घडली. रेश्मा अब्दुल शेख असं वीस वर्षीय मयत महिलेचं नाव आहे. अवघ्या तीन वर्षांपूर्वी महिलेचा निकाह झाला होता. मात्र लग्नानंतर पती-पत्नीमध्ये वारंवार भांडणं होत असल्याची माहिती आहे. नुकत्याच झालेल्या वादानंतर विवाहिता आपल्या माहेरी गेली होती. रेश्मा आई-वडिलांसोबत राहत होती, मात्र घटनेच्या दिवशी ती एकटीच होती. पत्नी माहेरी एकटीच असल्याची संधी साधून पतीने घर गाठलं. त्यानंतर तिच्यावर तीक्ष्ण हत्याराने वार करुन तिची हत्या केल्याचा आरोप आहे. या घटनेमुळे शहरात एकच खळबळ उडाली आहे.
काय आहे प्रकरण?
लातूर शहरातील अवंती नगर भागात राहणाऱ्या एका विवाहितेची हत्या करण्यात आली. महिलेची तिच्याच पतीने निर्दयीपणे गळा चिरुन हत्या केल्याची घटना घडली आहे. दोघांमध्ये सतत भांडणं होत असल्याचा दावा केला जातो. रेश्मा अब्दुल शेख (वय 20 वर्ष) असं खून करण्यात आलेल्या विवाहितेचं नाव आहे.
तीन वर्षांपूर्वी विवाह, पदरात लहान मूल
रेश्मा आणि अब्दुल यांचा 2019 मध्ये निकाह झाला होता. त्यांना दोन वर्षांचा मुलगाही आहे. पती अब्दुल शेख याच्याशी रेश्माचे सतत वाद होत असल्याने रेश्मा ही आपल्या आई-वडिलांकडे राहत होती.
तीक्ष्ण हत्याराने वार
मंगळवारी रेश्माला घरात एकटे गाठून आरोपीने तिच्यावर तीक्ष्ण हत्याराने वार करत तिची हत्या केली. पोलिसांनी आता आरोपी पतीला अटक केली आहे.
संबंधित बातम्या :
भांडणातून जावयाने सासूला विहिरीत फेकलं, 80 फूट खोल पडून 60 वर्षीय महिलेचा मृत्यू
नागज घाटात अपघात नाही, तर हत्या; चार महिन्यांनी कोडं सुटलं, गुप्तधन न शोधल्याच्या रागातून खून
