Nagpur Murder : नागपूरमध्ये अनैतिक संबंधातून तरुणाची हत्या, भरदिवसा दगडाने ठेचले

नागपूर : नागपुरात अनैतिक संबंधातून युवका (Youth)ची भर दिवसा दगडाने ठेचून हत्या (Murder) करण्यात आल्याची घटना आज सकाळी घडली. मृतकाचे आरोपीच्या पत्नीसोबत अनैतिक संबंध (Immoral Relation) होते. मृतकाला वारंवार समजावून सुद्धा तो ऐकत नसल्याने ही हत्या केल्याची प्राथमिक माहिती कळते. आसिफ खान असे हत्या करण्यात आलेल्या तरुणाचे नाव आहे. याप्रकरणी पाचपावली पोलीस ठाण्यात हत्येचा गुन्हा दाखल करण्यात आला आहे. पोलिसांनी आरोपीला अटक केली आहे. दीक्षित भगवान जनबंधु असे अटक करण्यात आलेल्या आरोपीचे नाव आहे.

वारंवार समजावूनही मयताने अनैतिक संबंध सुरुच ठेवले

नागपूरच्या पाचपावली पोलीस स्टेशनच्या हद्दीत बाबा बुध्दाजी नगरमध्ये आज सकाळी 10 च्या सुमारास आसिफ खान या युवकाची दगडाने ठेचून हत्या करण्यात आली. मयत आसिफचे आरोप दीक्षित भगवान जनबंधु याच्या पत्नीसोबत अनैतिक संबंध होते. याबाबत आरोपीने आसिफला अनेकदा हे संबंध तोडण्यासाठी समजावले होते. मात्र तरीही आसिफ अनैतिक संबंध तोडायला तयार नव्हता. आरोपीचे आसिफ सोबत याच विषयावरून भांडण झालं होतं. परंतु आसिफने आरोपीच्या पत्नीसोबत आपले संबंध कायम ठेवले होते. त्याचा राग मनात घेऊन आज सकाळी आरोपीने आसिफला गाठले व आसिफच्या डोळ्यात मिरची पावडर टाकून त्याचा डोक्यावर दगडाने ठेचून हत्या केली. पाचपावली पोलिसांनी आरोपी दिक्षित भगवान जनबंधु याला अटक केली असून पुढील तपास करीत आहे. (Youth killed by womans husband due to immoral relationship in Nagpur)