पत्नीला मेसेज करत असल्याचा संशय, तरुणाला बेदम मारहाण, व्हिडीओही व्हायरल, पती फरार

विक्रोळी : पत्नीला मेसेज करत असल्याच्या संशयातून पतीने एका तरुणाला बेदम मारहाण केल्याचा (Youth Beaten By Seven People) धक्कादायक प्रकार पुढे आला आहे. विक्रोळीत ही घटना घडली. इतकंच नाही तर या घटनेचा व्हिडीओ बनवूण तो व्हायरल करत दहशत माजवण्याचा प्रयत्नही करण्यात आला आहे. याप्रकरणी पोलिसांनी एकाला अटक केली आहे (Youth Beaten By Seven People).

नेमकं प्रकरण काय?

एका महिलेला मेसेज करत असल्याचा संशयातून तिचा पती आणि त्याच्यासह सात जणांनी मिळून एका तरुणाला बेदम मारहाण केली. घाटकोपर मधील नॉर्थ बॉम्बे शाळेजवळ असलेल्या निर्जन स्थळी नेवून या तरुणाला बेदम मारहाण करण्यात आली. तसेच, ही मारहाण मोबाईलमध्ये रेकॉर्ड करुन तो व्हिडीओ व्हायरलही करण्यात आला. या व्हिडीओच्या माध्यमातून दहशत पसरविण्याचा प्रयत्नही केला आहे.

अक्षित जगताप हा तरुण विक्रोळी पार्क साईटमध्ये रहातो. तो याच विभागात राहात असलेल्या एका व्यक्तीच्या पत्नीला मेसेज करत असल्याचा संशय होता.

या रागातून पतीने रोहित इंगोलेसह सहा ते सात जणांना जमवले. त्यांनी अक्षितला घाटकोपर येथील नॉर्थ बॉम्बे शाळेजवळ असलेल्या झाडीत निर्जन स्थळी बोलावलं. त्यानंतर त्याला लाकडी दांड्यानी बेदम मारहाण केली. त्याचा व्हिडीओ बनविला आणि तो समाज माध्यमात व्हायरल ही केला. हा व्हिडीओ व्हायरल झाल्यानंतर रविवारी घाटकोपर पोलिसांनी अक्षितला बोलावून घेत गुन्हा दाखल केला आहे (Youth Beaten By Seven People)

या प्रकरणी रोहित इंगोलेला अटक झाली आहे. तर, पतीसह सहा आरोपी फरार आहेत. मात्र, फक्त संशयातून अशा प्रकारे जीवघेणी मारहाण करीत त्याचा व्हीडीओ बनवून व्हायरल केल्याने विक्रोळी मध्ये संतापाचे वातावरण निर्माण झाले आहे.

प्रियकराने पेट्रोल ओतून पेटवलं, प्रेयसीने मिठी मारली, मुंबईत तरुणाचा होरपळून मृत्यू https://t.co/maB6p2oVNt

— TV9 Marathi (@TV9Marathi) February 8, 2021

Youth Beaten By Seven People

संबंधित बातम्या :

नागपूर पुन्हा हत्येच्या घटनेने हादरलं, गुंडाच्या सततच्या त्रासाला कंटाळून दगडाने ठेचून हत्या

बायकोचे नातेवाईकासोबत प्रेमसंबंध, नवऱ्याने आक्षेपार्ह स्थितीत पकडले आणि…

तिनं आधी पोर गमावलं, नंतर नवऱ्याचा दंडुक्याचा मार, नंतर जीव, बीडचा खून आरसा दाखवणारा