बारावी नंतर पुढे काय? बी. फार्मसी आणि डी. फार्मसीमधील नेमका फरक काय?

मुंबई : बारावीचे निकाल जाहीर झाले असून विज्ञान शाखेतील विद्यार्थ्यांना एमएचीटी सीईटी परीक्षांचे वेध लागेल आहेत. बारावीनंतर विज्ञान शाखेतील विद्यार्थी औषधनिर्माणशास्त्र म्हणजेच फार्मसीच्या अभ्यासक्रमांना प्रवेश घेऊ शकतात. आपल्याकडे सर्वसाधारणपणे अनेकांना बी. फार्मसी अभ्यासक्रम नेमका काय? डी. फार्मसी अभ्यासक्रम नेमका काय यातील फरक माहिती नसतो. दोन्ही अभ्यासक्रम बारावीनंतर करता येतात.

फार्मसी अभ्यासक्रमांना प्रवेशासाठीची पात्रता

विज्ञान शाखेतून बारावीला पीसीएमबी म्हणजेच भौतिकशास्त्र, केमिस्ट्री, मॅथ्स आणि बायोलॉजी हे विषय घेऊन उत्तीर्ण होणाऱ्या विद्यार्थ्यांना फार्मसी अभ्यासक्रमांना प्रवेश मिळतो. त्यासाठी विद्यार्थ्यांना किमान 50 टक्के गुण मिळवणं आवश्यक आहे. बारावी उत्तीर्ण झाल्यानंतर विद्यार्थी महाराष्ट्र शासनाची एमएचटी सीईटी परीक्षा देऊन अभ्यासक्रमाला प्रवेश घेऊ शकतात.

बी.फार्मसी अभ्यासक्रम

बी. फार्मसी हा बारावीनतरंचा 4 वर्षांचा अभ्यासक्रम आहे. या अभ्यासक्रमाची विभागणी एकूण 8 सेमिस्टरमध्ये करण्यात येते. चार वर्षांचा अभ्यासक्रम पूर्ण केल्यानंतर उमेदवार औषधनिर्माण कंपनीत नोकरी करु शकतो. बी.फार्मसी उत्तीर्ण झाल्यानंतर स्वत:चं मेडिकल देखील सुरु करु शकतो.

डी. फार्मसी अभ्यासक्रम

बी. फार्मसी आणि डी. फार्मसी अभ्यासक्रम एकच आहेत, असा अनेकांचा समज असतो. मात्र, बी. फार्मसी हा चार वर्षांचा तर डी. फार्मसी हा दोन वर्षांचा अभ्यासक्रम आहे. डी. फार्मसी म्हणजे डिप्लोमा इन फार्मसी होय. हा अभ्यासक्रम एकूण चार सत्रांमध्ये विभागलेला असतो.

अभ्यासक्रम पूर्ण झाल्यानंतर पुढं काय?

बी. फार्मसी आणि डी. फार्मसीचे अभ्यासक्रम पूर्ण झाल्यानंतर विद्यार्थ्यांनी फार्मासिस्ट म्हणून स्वत:ची नोदंणी करुन घेणं आवश्यक आहे. त्यानंतर ते औषधनिर्माण कंपनीमध्ये काम करु शकतात. औषधांचे विक्री प्रतिनिधी म्हणून काम करु शकतात किंवा स्वत:ची फार्मसी म्हणजेच मेडिकल स्टोअर सुरु करु शकतात. फार्मासिस्ट म्हणून नोंदणी केल्यानंतर सरकारी रुग्णालय किंवा खासगी रुग्णालयात देखील नोकरीची संधी उपलब्ध होते. स्वयंसेवी संस्थांमध्ये देखील फार्मसी अभ्यासक्रम पूर्ण झाल्यानंतर विद्यार्थी नोकरी करु शकतात.

इतर बातम्या:

पुणे विद्यापीठाच्या ‘स्वच्छ वारी निर्मल वारी’ कार्यक्रमाच्या गैरव्यवहाराची होणार चौकशी, बडे मासे जाळ्यात अडकणार?

बारावी, पदवीनंतरचे अभिनय प्रशिक्षणाचे अभ्यासक्रम, मुंबई विद्यापीठात प्रवेश प्रक्रिया सुरु

बारावीनंतर पुढं काय? परकीय भाषेतील अभ्यासक्रम आणि संधी

Courses after class 12 difference between B Pharmacy and D Pharmacy