Election Result 2022 Live: गोरेगाव बदलू शकले नाही ते गोरखपूर काय बदलणार?, आशिष शेलारांनी शिवसेनेला डिवचले
Election Result 2022 उत्तर प्रदेशासह चार राज्यात भाजप सत्ता राखण्यात यशस्वी झाली आहे. या निकालानंतर भाजपने प्रचंड जल्लोष केला आहे. भाजप कार्यालयाबाहेर भाजपच्या कार्यकर्त्यांनी ढोलताशे वाजवून आणि गुलाल उधळत आनंद साजरा केला.
मुंबई: उत्तर प्रदेशासह (Uttar Pradesh BJP Win) चार राज्यात भाजप सत्ता राखण्यात यशस्वी झाली आहे. या निकालानंतर भाजपने प्रचंड जल्लोष केला आहे. भाजप (BJP) कार्यालयाबाहेर भाजपच्या कार्यकर्त्यांनी ढोलताशे वाजवून आणि गुलाल उधळत आनंद साजरा केला. यावेळी भाजपचे नेते आशिष शेलार यांनी शिवसेनेला (shivsena) डिवचले. काही लोक गोरखपूरमध्ये सभा घेऊन गोरखपूर बदलायला गेले होते. जे मुंबईचे गोरेगाव बदलू शकले नाहीत ते गोरखपूर काय बदलणार? असा खोचक टोलाही आशिष शेलार यांनी लगावला. तसेच मोदी है तो मुमकीन है, असं शेलार म्हणाले. भाजपा प्रदेश कार्यालया समोर प्रदेशाध्यक्ष चंद्रकांत पाटील, नेतृत्वाखाली जोरदार जल्लोष करण्यात आला, यावेळी आमदार अँड आशिष शेलार यांनी शिवसेनेवर जोरदार टीका केली. तर चार राज्यात मिळालेल्या यशाबद्दल पंतप्रधान नरेंद्र मोदी याचे तसेच गोव्याच्या यशाची रणनीती आखणाऱ्या देवेंद्र फडणवीस यांचे त्यांनी अभिनंदन केले.
2024 साली दिल्लीच्या खुर्चीत आम्ही पुन्हा बसणार. उत्तर प्रदेश, गोव्यात बघा आम्ही करुन दाखवतो. उत्तर प्रदेशात युवराजांची अती विराट सभा…झंझावाती दौरा… अशांसह बोरु बहाद्दर मोठ्या वल्गना करीत होते. पण सगळ्या बुडबुड्यांचे निकाल लागले. अती प्रचंड मतांनी झंझावाती डिपॉझिट गुल होऊन शिवसेना हारली, अशी टीका त्यांनी केली.
एक मासो आणि खंडी भर रस्सो
शिवसेनेची अवस्था “एक मासो आणि खंडी भर रस्सो!” अशी शिवसेनेची अवस्था झाली आहे, असा मालवणी भाषेतून त्यांनी टोलाही लगावला. तर नोटा पेक्षा कमी मते घेऊन शिवसेना पराभव झाला हेही त्यांनी अधोरेखित केले. गोरखपूरमध्ये सभा घेऊन गोरखपूर बदलायला गेले होते. जे मुंबईचे गोरेगाव बदलू शकले नाहीत ते गोरखपूर काय बदलणार? असा खोचक टोलाही त्यांनी लगावला.
आपले नाही धड अन् शेजाऱ्याचा कढ
शेलार यांनी पंजाबच्या निवडणूक निकालावर ट्विट करतही शिवसेनेला डिवचले आहे. अरविंद केजरीवालांचा आता बहुतेक शिवसेना भवनात जंगी सत्कार होईल. शिवाजी पार्कमध्ये हत्तीवरून युवराज साखर सुध्दा वाटतील. शेजाऱ्यांच्या घरात पाळणा हलला की, पेढे वाटपाचे कार्यक्रम करुन दाखवले जातात. आपले नाही धड अन् शेजाऱ्याचा कढ, अशी त्यांची अवस्था आहे, असा हल्लाबोलही त्यांनी केला.
संबंधित बातम्या:
