AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

नयनतारासह नेटफ्लिक्सला 24 तासांचा धनुषचा अल्टिमेटम; कंटेट काढून टाका अन्यथा..

अभिनेत्री नयनतारा आणि धनुष यांच्यातील वाद टोकाला पोहोचला आहे. तिने सोशल मीडियावर धनुषसाठी खुलं पत्र लिहित चांगलंच सुनावलं होतं. त्यावर आता धनुषने त्याच्या वकिलांमार्फत नयनताराला अल्टिमेटम दिला आहे.

नयनतारासह नेटफ्लिक्सला 24 तासांचा धनुषचा अल्टिमेटम; कंटेट काढून टाका अन्यथा..
Dhanush and NayantharaImage Credit source: Instagram
| Updated on: Nov 18, 2024 | 3:41 PM
Share

दाक्षिणात्य अभिनेत्री नयनताराच्या आयुष्यावर आणि प्रेमकहाणीवर आधारित एक डॉक्युमेंट्री नेटफ्लिक्स या ओटीटी प्लॅटफॉर्मवर आजपासून स्ट्रीम होत आहे. या डॉक्युमेंट्रीवरून मोठा वाद निर्माण झाला आहे. अभिनेता आणि निर्माता धनुषने नयनताराला या डॉक्युमेंट्रीविरोधात 10 कोटी रुपयांची कायदेशीर नोटीस बजावली होती. 2015 मध्ये प्रदर्शित झालेल्या ‘नानुम रावडी धान’ या चित्रपटातील काही गाणी आणि व्हिडीओ आपल्या डॉक्युमेंट्रीमध्ये वापरण्यास परवानगी द्यावी, यासाठी नयनतारा धनुषला विनंती करत होती. मात्र दोन वर्षांपर्यंत धनुषने त्यावर कोणतंच उत्तर दिलं नव्हतं. अखेर तिने खासगी मोबाइलमध्ये शूट केलेला सेटवरील तीन सेकंदांचा व्हिडीओ आपल्या डॉक्युमेंट्रीमध्ये वापरला. त्यावरूनच धनुषने तिला कायदेशीर नोटीस बजावली होती. या नोटिशीनंतर नयनताराच्या संयमाचा बांध सुटला आणि तिने सोशल मीडियावर खुलं पत्र लिहित धनुषला चांगलंच सुनावलं. आता नयनताराच्या या पत्रानंतर धनुषने त्याच्या वकिलांमार्फत तिला 24 तासांचा अल्टिमेटम दिला आहे.

“‘तुमच्या क्लायंटने ‘नयनतारा बियाँड द फेरीटेल’ नावाच्या माहितीपटात माझ्या क्लायंटच्या ‘नानुम रावडी धान’ या चित्रपटातील कंटेट वापरून कॉपीराइट्सचं उल्लंघन केलंय. तो कंटेट 24 तासांच्या आत काढून टाकण्याचा सल्ला त्यांना द्या. अन्यथा माझा क्लायंट त्याविरोधात कायदेशीर कारवाई करेल. त्यात केवळ तुमच्या क्यायंडकडून आणि नेटफ्लिक्स इंडियाकडून 10 कोटी रुपयांची नुकसानभरपाई मिळावी, याचाच समावेश नसेल,” असा इशारा धनुषच्या वकिलांकडून देण्यात आला आहे. नयनताराने तिच्या मोबाइल फोनमधील फुटेज वापरल्याचं खुल्या पत्रात म्हटलं होतं. त्यावरही धनुषच्या वकिलांनी उत्तर दिलं आहे. “माझा क्लायंट हा चित्रपटाचा निर्माता आहे आणि चित्रपटाच्या निर्मितीसाठी त्यांनी प्रत्येक पैसा कुठे खर्च केला आहे याची त्यांनी सविस्तर माहिती आहे. तुमच्या क्लायंटने असं म्हटलंय की माझ्या क्लायंटने पडद्यामागील फुटेज शूट करण्यासाठी कोणत्याही व्यक्तीला नियुक्त केलं नाही आणि ते विधान निराधार आहे. तुमच्या क्लायंटने त्याचा कडक पुरावा दिला आहे”, असं त्यांनी म्हटलंय.

नेमकं काय आहे प्रकरण?

नेटफ्लिक्सवर प्रदर्शित झालेल्या नयनताराच्या माहितीपटात तिची आणि तिचा पती-दिग्दर्शक विग्नेश शिवनची लव्ह स्टोरी दाखवण्यात आली आहे. ‘नानुम रावडी धान’ या चित्रपटाच्या सेटवरच दोघं एकमेकांच्या प्रेमात पडले. या चित्रपटाचा निर्माता धनुष होता, तर दिग्दर्शनाचं काम विग्नेशने केलं होतं. नयनतारा यामध्ये मुख्य भूमिकेत होती. मात्र या चित्रपटादरम्यान धनुष आणि नयनतारा, विग्नेश यांच्यात काही वाद झाले होते. त्यानंतर सर्वोत्कृष्ट अभिनेत्रीचा पुरस्कार स्वीकारताना नयनताराने धनुषला टोमणा मारला होता. “मला धनुषची माफी मागायची आहे, कारण त्याला या चित्रपटातील माझं काम अजिबात आवडलं नाही. धनुष, मला माफ कर, मी तुझी निराशा केली. पुढच्या वेळी मी कदाचित चांगलं काम करेन”, असं ती पुरस्कार सोहळ्यात जाहीरपणे म्हणाली होती. तेव्हापासून धनुष आणि तिच्यात वाद असल्याचं म्हटलं जातं.

Follow Us
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत