The Kashmir Files Movie : रितेश देशमुखकडून अनुपम खेर आणि ‘द काश्मीर फाईल्स’ सिनेमाला शुभेच्छा, म्हणाला…

The Kashmir Files Movie : रितेश देशमुखकडून अनुपम खेर आणि 'द काश्मीर फाईल्स' सिनेमाला शुभेच्छा, म्हणाला...
रितेश देशमुख,'द काश्मीर फाईल्स'- सिनेमा
Image Credit source: TV9

अभिनेता रितेश देशमुखने ट्विट करत 'द काश्मीर फाईल्स' या सिनेमाच्या टीमला शुभेच्छा दिल्या आहेत. त्याने या ट्विटमध्ये अनुपम खेर आणि विवेक अग्नीहोत्री यांना टॅग करत शुभेच्छा दिल्या आहेत.

आयेशा सय्यद

|

Mar 16, 2022 | 1:08 PM

मुंबई : बॉलिवूडमधला मराठमोळा चेहरा अभिनेता रितेश देशमुख (Riteish Deshmukh) हा वेगवेगळ्या मुद्द्यांवर आपलं मत मांडताना दिसतो. सध्या ‘द काश्मीर फाईल्स’ (The Kashmir Files) सिनेमाची सर्वत्र चर्चा आहे. या सिनेमावर रितेशने आपलं मत मांडलं आहे. त्याने अभिनेते अनुपम खेर (Anupam Kher) आणि ‘द काश्मीर फाईल्स’ च्या टीमला शुभेच्छा दिल्या आहेत. “हा सिनेमा सर्व विक्रम मोडत आहे. ही कौतुकाची वेळ आहे. या सिनेमातील सर्व कलाकारांचं आणि दिग्दर्शक विवेक अग्नीहोत्री (Vivek Agnihotri) यांचं मी अभिनंदन करतो. चित्रपटाच्या सर्व टीमला शुभेच्छा देतो”, असं रितेश म्हणाला आहे. त्याने ट्विटरच्या माध्यमातून शुभेच्छा दिल्या आहे. एकीकडे या सिनेमावर काँग्रेसमधले काही नेते टीका करत असताना दिवंगत काँग्रेस नेते आणि माजी मुख्यमंत्री विलासराव देशमुख यांचा मुलगा रितेशने त्याचं मत ठामपणे मांडलं आहे.

रितेशचं ट्विट

अभिनेता रितेश देशमुखने ट्विट करत ‘द काश्मीर फाईल्स’ या सिनेमाच्या टीमला शुभेच्छा दिल्या आहेत. “हा सिनेमा सर्व विक्रम मोडत आहे. ही कौतुकाची वेळ आहे. या सिनेमातील सर्व कलाकारांचं आणि दिग्दर्शक विवेक अग्नीहोत्री यांचं मी अभिनंदन करतो. चित्रपटाच्या सर्व टीमला शुभेच्छा देतो”, असं रितेश म्हणाला आहे. त्याने या ट्विटमध्ये अनुपम खेर आणि विवेक अग्नीहोत्री यांना टॅग करत शुभेच्छा दिल्या आहेत.

कंगनाकडून ‘द काश्मीर फाईल्स’चं कौतुक

अभिनेत्री कंगना रनौतने या सिनेमावर आपली प्रतिक्रिया दिली आहे.“द काश्मीर फाईल्सच्या टीमला खूप खूप शुभेच्छा. त्यांनी पूर्ण फिल्म इंडस्ट्रीचे जेवढे पाप होते, ते सर्व पाप धुवून टाकले आहेत. बॉलिवूडचेही पाप त्यांनी धुवून टाकले. हा चित्रपट इतका कौतुकास्पद आहे की जे इंडस्ट्रीवाले आपल्या बिळात लपून बसले आहेत, त्यांनी बाहेर येऊन याचं प्रमोशन केलं पाहिजे. नेहमी ते बकवास, सडलेल्या चित्रपटांचं प्रमोशन करतात”, असं ती म्हणाली. ‘द काश्मीर फाईल्स’बद्दल कंगनाने पहिल्यांदाच वक्तव्य केलेलं नाही. याआधीही तिने तिच्या इन्स्टाग्राम अकाऊंटवर या चित्रपटाचं कौतुक करणारी पोस्ट लिहिली होती.

संबंधित बातम्या

थिएटरचा AC बंद पडला की मॅनेजरनं जाणीवपुर्वक ‘द काश्मीर फाईल्स’ बंद केला? नोएडात सिनेमा बघता बघता हिंदू-मुस्लिम वाद

The Kashmir Files: काश्मीरमधून पंडीतांनी पलायन केलं त्यावेळेस केंद्रात कुणाचं सरकार होतं? काँग्रेस नेते म्हणतात, भाजपला विचारा

तुमचा ‘द काश्मीर फाईल्स’ तर आमचे छत्रपती शिवाजी महाराज, राष्ट्रवादीच्या नव्या मागणीनं सरकारची गोची?

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें