शाहिद कपूर छत्रपती शिवाजी महाराजांची भूमिका साकारणार; चाहत्यांची उत्सुकता शिगेला!

मुंबई : बॉलिवूडमध्ये आतापर्यंत अनेकांच्या जीवनावर आधारित चित्रपट तयार करण्यात आले आहेत. जयललिता आणि इंदिरा गांधी यांच्या नंतर आता आणखी एक चित्रपट चाहत्यांच्या भेटीला येणार आहे. छत्रपती शिवाजी महाराजांच्या जीवनावर आधारित चित्रपट तयार करण्यात येणार आहे. या चित्रपटात शिवाजी महाराजांच्या भूमिकेत शाहिद कपूर (Shahid Kapoor)  दिसण्याची शक्यता आहे. (Shahid Kapoor will play The role of Chhatrapati Shivaji Maharaj in upcoming movie)

‘कबीर सिंह’ चित्रपटाचे निर्माते अश्विन वर्दे लवकरच छत्रपती शिवाजी महाराज यांच्या जीवनावर आधारित चित्रपटाचे काम सुरु करणार आहेत. यासाठी त्यांनी साउथ चित्रपटसृष्टीतील लायका प्रोडक्शन या बड्या कंपनीसोबत हातमिळवणी केली आहे. तर चित्रपटातील छत्रपती शिवाजी महाराजांच्या भूमिकेसाठी शाहिदला विचारणा करण्यात आलीय. शाहिदने यासाठी होकार देखील दिल्याचे कळते आहे.

चित्रपटाचे निर्माते आणि शाहिद कपूरमध्ये चर्चा सुरू असल्याचे कळते आहे. शशांक खेतान निर्देशित आणि धर्मा प्रोडक्शन निर्मित ‘योद्धा’ चित्रपटात शाहिद कपूर दिसणार नसल्याचे काही दिवसांपूर्वी समोर आले होते. असे म्हटले जात आहे की, स्वत: शाहिद कपूरने हा चित्रपट करण्यास नकार दिला आहे. शाहिदसोबत दिशा पाटनी या चित्रपटात दिसणार होती. मीडिया रिपोर्टनुसार शाहिद कपूर जर्सीचे शूटिंग पूर्ण होताच या चित्रपटाचे शूटिंग सुरू करणार होता, पण आता शाहिदनेच चित्रपटास नकार दिला आहे.

संबंधित बातम्या : 

‘द गर्ल ऑन द ट्रेन’ चित्रपटातील परिणीती चोप्राचा अभिनय पाहाच!

Photo : हृतिक रोशन क्राईम ब्रँचच्या कार्यालयात, कंगना विरोधात नोंदवणार जबाब!

Video : ‘बिग बॉस 14’ विजेत्या रुबीनाच्या दिलखेचक अदा, सोशल मीडियावर डान्स व्हिडीओची चर्चा!

(Shahid Kapoor will play The role of Chhatrapati Shivaji Maharaj in upcoming movie)