Brahmastra : रणबीर- आलियाच्या ब्रह्मास्त्र चित्रपटाच्या बॉक्स ऑफिस कलेक्शनला लागला मोठा ब्रेक…
ब्रह्मास्त्र चित्रपटात दीपिका पादुकोण आणि शाहरुख खानने देखील कॅमिओ केलाय. आलिया भट्ट, रणबीर कपूर, नागार्जुन आणि अमिताभ बच्चन महत्वाच्या भूमिकेत दिसले.
मुंबई : रणबीर कपूर आणि आलिया भट्टच्या ब्रह्मास्त्र (Brahmastra) चित्रपटाला प्रेक्षकांनी उदंड प्रतिसाद दिलाय. हा चित्रपट बाॅक्स ऑफिसवर हीट ठरलाय. कोरोनानंतर बाॅक्स ऑफिसवर बाॅलिवूडच्या चित्रपटांना काही खास कमाल दाखवता आली नव्हती. सोशल मीडियावर अनेकांनी ब्रह्मास्त्र चित्रपट (Movie) रिलीज होण्याच्या अगोदर बहिष्कार टाकण्याचा ट्रेंड सुरू केला होता. यामुळे चित्रपट बाॅक्स ऑफिसवर काय कामगिरी करणार याकडे सर्वांचे लक्ष होते. त्यातच ब्रह्मास्त्र चित्रपटाने बाॅक्स ऑफिसवर (Box office) जोरदार बॅटिंग केलीये. मात्र, सोमवारी चित्रपटाचे कलेक्शन अत्यंत कमी झाले.
बॉक्स ऑफिस कलेक्शनला लागला मोठा ब्रेक
मध्यंतरी बाॅलिवूडचे चित्रपट बाॅक्स ऑफिसवर काही खास कमाल दाखू शकले नसल्याने एक चिंतेचे वातावरण बघायला मिळत होते. मात्र, रणवीर आणि आलियाच्या ब्रह्मास्त्रमुळे बॉलिवूडला पुन्हा एकदा अच्छे दिन आले असल्याचे म्हटले तर नक्कीच वावगे ठरणार नाही. रिपोर्टनुसार, 10 व्या दिवशी म्हणजे रविवारी बाॅक्स ऑफिसवर 17 कोटींचे कलेक्शन चित्रपटाने केले. 11व्या दिवशी म्हणजेच सोमवारी 4.80 कोटींचे कलेक्शन झाले.
सोमवारी ब्रह्मास्त्र चित्रपटाने कमावले इतके कोटी…
ब्रह्मास्त्र चित्रपटात दीपिका पादुकोण आणि शाहरुख खानने देखील कॅमिओ केलाय. आलिया भट्ट, रणबीर कपूर, नागार्जुन आणि बिग बी अर्थात अमिताभ बच्चन महत्वाच्या भूमिकेत दिसले. प्रेक्षकांना हा चित्रपट प्रचंड आवडल्याचे दिसते आहे. ब्रह्मास्त्र चित्रपटाचा ओपनिंग डे जबरदस्त राहिला पहिल्याच दिवशी चित्रपटाने तब्बल 36 कोटींचे कलेक्शन बाॅक्स ऑफिसवर केले. चित्रपटाने आतापर्यंत जवळपास 220 कोटींची कमाई केलीये.
