दीपिका-रणवीरचे आयुष्य नव्या वळणावर, दुआचा फोटो शेअर करत दिली गूड-न्यूज

बॉलिवूड अभिनेत्री दीपिका पादुकोण आणि रणवीर सिंग सध्या चांगलेच चर्चेत आहेत. त्यांची मुलगी दुआची एक झलक पाहण्यासाठी सर्वजण आतुर असतात. दरम्यान, दीपिका आणि रणवीरने पुन्हा एक गुडन्यूज दिली आहे. दीपिकाने सोशल मीडियावर पोस्ट शेअर करत आनंदाची बातमी चाहत्यांसोबत शेअर केली आहे.

नुकत्याच दीपिका पादुकोणने तिच्या अधिकृत सोशल मीडियाद्वारे ही बातमी कन्फर्म केली आहे. त्यांनी मुलगी दुआचा फोटो शेअर केला आहे. फोटोमध्ये दुआच्या हातात प्रेग्नन्सी टेस्ट किट दिसत आहे. त्याचा रिझल्ट पॉझिटिव्ह दिसत आहे. लोकांनी या पोस्टवर कमेंट करत दीपिका आणि रणवीरवर शुभेच्छांचा वर्षाव केला आहे.

View this post on Instagram

A post shared by दीपिका पादुकोण (@deepikapadukone)

दीपिका पादुकोण दुसऱ्यांदा आई होणार आहे. दीपिकाने शेअर केलेल्या फोटोत मुलगी दुआ अतिशय क्यूट अंदाजात दिसत आहे. फोटोत दुआच्या हातात प्रेग्नन्सी टेस्ट किट दिसत आहे, ज्याचा रिझल्ट पॉझिटिव्ह आहे. या फोटोच्या माध्यमातून दीपिकाने जास्त काही न लिहिता मोठी खुशखबरी दिली आहे. तिने ‘बेबी नंबर २’ ची घोषणा केली आहे. सोशल मीडियावर दुआचा हा फोटो वेगाने व्हायरल होत आहे आणि लोक याला अतिशय क्रिएटिव्ह पद्धत म्हणून सांगत आहेत.

नेटकऱ्यांनी केला शुभेच्छांचा वर्षाव

दीपिका आणि रणवीर सिंह आधीपासूनच दुआसोबत पॅरेंटहूडचा आनंद घेत आहेत. दोघेही मुलाखतींमध्ये पालक होण्याच्या अनुभवाबद्दल नेहमी खास बोलत असतात. आता दुसऱ्या मुलाची बातमी समोर आल्यानंतर फॅन्सचा उत्साह आणखी वाढला आहे. अनेक यूजर्सनी लिहिले की दुआ आता मोठी बहीण होणार आहे, तर काहींनी याला जोडीसाठी नवीन सुरुवात म्हटले. या पोस्टवर फिल्म इंडस्ट्रीतील अनेक लोकांनीही प्रतिक्रिया दिल्या. फॅन्ससोबतच सेलिब्रिटींनीही या जोडीचे अभिनंदन केले आहे.

2018 मध्ये झाले होते लग्न

दीपिका पादुकोण आणि रणवीर सिंह यांची जोडी बॉलिवूडमधील सर्वात आवडत्या जोड्यांपैकी एक मानली जाते. दोघांनी 2018 मध्ये लग्न केले होते आणि त्यानंतर त्यांच्या वैयक्तिक जीवनाकडे फॅन्सची नजर सदैव लागलेली आहे. दुआचा जन्म 2024 मध्ये झाला. आता दुसऱ्या मुलाची बातमी आल्याने त्यांच्या कुटुंबात आनंदाचे वातावरण अधिकच वाढले आहे. लवकरच त्यांच्या घरात एक नवीन छोटा पाहुणा येणार आहे.