AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

धर्मेंद्र यांच्यापासून वेगळं राहण्याबाबत हेमा मालिनी यांनी सोडलं मौन; म्हणाल्या..

धर्मेंद्र आणि हेमा मालिनी यांच्या लग्नाला 43 वर्षे पूर्ण झाली आहेत. विवाहित असतानाही धर्मेंद्र यांनी हेमा मालिनी यांच्याशी दुसरं लग्न केलं होतं. एका मुलाखतीत हेमा मालिनी या त्यांच्या लग्नाविषयी मोकळेपणे व्यक्त झाल्या होत्या.

धर्मेंद्र यांच्यापासून वेगळं राहण्याबाबत हेमा मालिनी यांनी सोडलं मौन; म्हणाल्या..
Hema Malini with Dharmendra and Prakash KaurImage Credit source: Instagram
| Updated on: Dec 29, 2024 | 3:42 PM
Share

अभिनेत्री हेमा मालिनी आणि धर्मेंद्र हे बॉलिवूड इंडस्ट्रीतील सर्वांत लोकप्रिय जोडप्यांपैकी एक आहेत. त्यांच्या लग्नाला 43 वर्षे पूर्ण झाली आहेत. हेमा मालिनी यांच्याशी लग्न करताना धर्मेंद्र हे विवाहित होते. तरीसुद्धा त्यांनी हेमा यांच्याशी लग्न करण्याचा निर्णय घेतला होता. दुसऱ्या लग्नानंतरही त्यांनी पहिली पत्नी प्रकाश कौर यांना कधीच सोडलं नाही. असं असूनही या दोघांच्या नात्यात आजही भरपूर प्रेम असल्याचं पहायला मिळतं. आज एकीकडे धर्मेंद्र हे त्यांच्या पहिल्या पत्नी आणि मुलांसोबत राहतात. तर दुसरीकडे हेमा या वेगळ्या राहतात. एका जुन्या मुलाखतीत हेमा मालिनी या त्यांच्या लग्नाविषयी आणि परिस्थितीविषयी मोकळेपणे व्यक्त झाल्या होत्या.

“आपल्या पतीपासून दूर किंवा वेगळं राहायला कोणत्याच पत्नीला आवडत नाही पण काही परिस्थितींमुळे असं करावं लागतं. तुम्हाला अशी परिस्थिती स्विकारावी लागते. प्रत्येक महिलेला तिच्या पती आणि मुलांसोबत एकाच कुटुंबात एकत्र राहायला आवडतं. पण माझ्याबाबतीत काही गोष्टी वेगळ्या पद्धतीने घडल्या”, असं हेमा म्हणाल्या होत्या. असं असूनही आयुष्यात समाधानी असल्याची भावना त्यांनी व्यक्त केली. “मला याबद्दल वाईट वाटत नाही किंवा मी रडत बसले नाही. मी माझ्यासोबत खुश आहे. माझ्या दोन मुली आहेत आणि त्यांना मी खूप चांगल्या पद्धतीने मोठं केलंय. अर्थात ते माझ्यासोबत होते, प्रत्येकवेळी आणि प्रत्येक ठिकाणी”, असं त्या पुढे म्हणाल्या. धर्मेंद्र हे वडील म्हणूनही खूप चांगले आहेत. त्यांना त्यांच्या मुलींच्या भवितव्याची खूप चिंता असायची असं हेमा यांनी सांगितलं.

हेमा मालिनी आणि धर्मेंद्र यांनी काही दिवसांपूर्वीच लग्नाचा 44 वा वाढदिवस साजरा केला. या दोघांची पहिली भेट 1970 मध्ये ‘तुम हसीन मैं जवान’ या चित्रपटाच्या शूटिंगदरम्यान झाली होती. हेमा यांच्या घरातून लग्नाला विरोध असतानाही दोघंही आपल्या निर्णयावर ठाम होते. 1980 मध्ये धर्मेंद्र यांनी हेमा मालिनी यांच्याशी लग्न केलं.

हेमा मालिनी आणि धर्मेंद्र यांच्या जोडीकडे पाहून अनेकांच्या भुवया उंचावल्या होत्या. हेमा मालिनी यांची आई जया चक्रवर्ती आणि वडील व्ही. एस. रामानुजन चक्रवर्ती यांनी धर्मेंद्र यांच्यासोबतच्या लग्नाला स्पष्ट नकार दिला होता. कारण त्यावेळी धर्मेंद्र आधीच प्रकाश कौर यांच्याशी विवाहित होते. धर्मेंद्र यांच्यापासून हेमा मालिनी यांना दूर करण्यासाठी तिच्या वडिलांनी बरेच प्रयत्न केले होते.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी