KBC 18 : आयव्ही लीग ग्रॅज्युएटही अडखळला ! रामायणाच्या प्रश्नाचं उत्तर न आल्याने गमावले 25 लाख, तुम्हाला माहित्ये का उत्तर ?
'कौन बनेगा करोडपती 18' मध्ये एक स्पर्धक 25 लाखांच्या प्रश्नावर अडकला. रामायणाशी निगडीत या प्रश्नाच उत्तर न देता आल्याने त्याने गेम क्विट केला. तुम्हाल माहीत आहे का याचं उत्तर ?
बॉलिवूडचे शहेनशाह अमिताभ बच्चन (Amitabh Bachchan) गेल्या कित्येक वर्षांपासून ‘कौन बनेगा करोडपती ‘ (KBC) हा लोकप्रिय क्विझ शो होस्ट करत असून सध्या या शोचा 18 वा सीझन सुरू आहे. प्रेक्षक खूप उत्सुकतेने हा शो बघत असतात. नुकताच दिल्लीचा एक स्पर्धक अमन शर्मा या शोच्या हॉटसीटवर बसला. अननने अमेरिकेत आयव्ही लीग युनिव्हर्सिटी ऑफ पेन्सिलव्हेनिया मधून ग्रॅज्युएशन केलंय. बिग बी यांनी एकामागोमाग एक विचारलेल्या प्रश्नांची त्यांनी पटापट उत्तरं देत शानदार गेम खेळला. पण 25 लाखांच्या प्रश्नांवर तो अडकला. विशेष म्हणजे हा प्रश्न रामायणाशी निगडीत होता.
पण अमनला त्या प्रश्नाचं उत्तर देता आलं नाही आणि त्याने गेम क्विट करण्याचा निर्णय घेतला. अखेर तो 12.5 लाख रुपये घेऊन घरी परतला. अमन ज्या प्रश्नावर अडकला तो सवाल अखेर होता तरी काय आणि त्याच उत्तर काय होतं ? तुम्हाला माहीत आहे का ?
काय होता प्रश्न ?
वाल्मीकि रामायण नुसार, भरत याच्यासोबत त्याच्या आजोबांच्या घरी कोणता मामा गेला होता ?
या प्रश्नासाठी ऑप्शन्स होते –
शूरसेना, युधाजित, पञ्चशिख, जापक
View this post on Instagram
तुम्हाला माहीत आहे का योग्य उत्तर ?
25 लाखांसाठी विचारण्यात आलेल्य या प्रश्नाचं उत्तर अमनला माहीत नव्हतं, त्यामुळे त्याने गेम सोडण्याचा निर्णय घेतला आणि जिंकलेल्या 12.5 लाखांवर समाधान मानलं. त्याने हा खेळ क्विट केल्यावर अमिताभ बच्चन यांनी त्याला एक ऑप्शन निवडण्यास सांगितलं. त्याने शूरसेना हाँ पर्याय निवडला मात्र ते चुकीचं होतं. या प्रश्नाचं योग्य उत्तर – युधाजित आहे – असं बिग बी यांनी त्याला सांगितलं.
कोण असणार पुढले गेस्ट ?
अभिनेता राजकुमार राव आणि वामिका गब्बी लवकरच ‘कौन बनेगा करोडपती 18’ मध्ये दिसणार आहेत. ‘प्रहार’ या त्यांच्या अपकमिंग चित्रपटाच्या शूटिंगसाठी ते लौकरच तिथे येणार आहे. यादरम्यान राजकुमार राव आणि वामिका हे दोघे अमिताभ बच्चन यांच्यासोबत मजा-मस्ती करताना दिसणारा आहे. ‘कौन बनेगा करोडपती 18’ हा शो सोमवार ते शुक्रवार रात्री 9 वाजता सोनी टीव्हीवर पाहता येऊ शकतो. तसेच सोनी लिव्ह या ओटीटी प्लॅटफॉर्वर देखील प्रेक्षकांना हा शो पाहता येईल.
View this post on Instagram
