मलायका अरोरा हिच्या वडिलांचं निधन की हत्या, शरीरावर जखमा कसल्या? गेल्या 24 तासांत झालं तरी काय?

Malaika Arora Father Death: बॉलिवूडमध्ये सध्या खळबळ माजली आहे कारण अभिनेत्री मलायका अरोरा हिचे वडील अनिल मेहता यांनी स्वतःचं आयुष्या संपवल्याची माहिती मिळत आहे. पोलिसांनी दिलेल्या माहितीनुसार, अनिल मेहता यांनी इमारतीच्या 6 व्या मजल्यावरून उडी मारुन स्वतःला संपवलं आहे. सध्या याप्रकरणी पोलीस अधिक तपास करत आहेत. सांगायचं झालं तर, मलायका प्रसिद्ध आणि लोकप्रिय सेलिब्रिटी असल्यामुळे बॉलिवूडच्या अनेकांनी अभिनेत्रीच्या घरी हजेरी लावली आहे. तर गेल्या 24 तासांमध्ये काय काय घडलं… याबद्दल जाणून घेऊ…

बुधवारी सकाळी 9 वाजता अनिल कुलदीप मेहता यांनी स्वतःचं आयुष्य संपवलं. त्यांनी वांद्रे येथील आयेशा मनोर अपार्टमेंटमध्ये असलेल्या घराच्या छतावरून उडी मारून स्वतःला संपवलं. घटनेची माहिती मिळताच पोलीस घटनास्थळी पोहोचले, त्यानंतर मलायकाचा पहिला पती अरबाज खानही घटनास्थळी दिसला. त्यानंतर अभिनेता अरबाज खान देखील मलायकाच्या आई-वडिलांच्या घरी पोहोचला.

घटना घडली तेव्हा मलायाक मुंबई नसून पुणे याठिकाणी होती. घटनेची माहिती मिळताच अभिनेत्री पुण्यातून मुंबईच्या दिशेने निघाली. मलायका तिच्या आई – वडिलांच्या घरात मास्क लावून पोहोचली. अभिनेत्रीचे व्हिडीओ देखील सोशल मीडियावर तुफान व्हायरल होत आहेत.

मुलींसोबत शेवटचं बोलणं…

पोलिसांनी दिलेल्या माहितीनुसार, मंगळवारी रात्री वडिलांसोबत बोलणं झाल्याची माहिती मलायका आणि अमृता यांनी पोलिसांना दिली. मलायका हिचे आई-वडील दोघे एकाच इमारतीत आणि एकाच मजल्यावर राहात होते. मलायकाच्या आई जॉयस पॉलीकार्प यांनी दिलेल्या माहितीनुसार, ‘अनिल 11 सप्टेंबर रोजी सकाळी बोलायला आले नाहीत… ते रोज यायचे… तेव्हाच मला काहीतरी गडबड आहे असं वाटलं…’ सध्या याप्रकरणी चौकशी सुरु आहे.

मलायकाच्या बहिणीला काय म्हणाले वडील?

अमृता अरोरा हिने पोलिसांना दिलेल्या माहितीनुसार, अमृता म्हणाली, ‘त्यांची प्रकृती स्थिर नव्हती… I am sick and Tired असं ते सतत बोलत होते…’, सांगायचं झालं तर, वडिलांच्या निधनामुळे अमृता – मलायका यांनी नीट बोलता देखील येत नव्हतं… वडिलांच्या निधनामुळे मलायका आणि तिच्या कुटुंबियांना मोठा धक्का बसला आहे.

मलायका अरोराच्या वडिलांचे पोस्टमार्टम रिपोर्ट

अभिनेत्री मलायका अरोराचे वडील अनिल मेहता यांच्या मृतदेहाचे कूपर पोस्ट मॉर्टम सेंटरमध्ये पोस्टमॉर्टम करण्यात आले. प्राथमिक अहवालात मृत्यूचे कारण अनेक जखमा असल्याचे सांगण्यात आलं आहे. व्हिसेरा फॉरेन्सिक लॅबमध्ये पाठवण्यात आला. बुधवारी रात्री आठच्या सुमारास शवविच्छेदन करण्यात आलं. गुरुवारी त्यांच्यावर अंत्यसंस्कार होणार आहेत.