10 वेळा वाईट स्पर्श आणि…, दिग्दर्शकाचा ‘डर्टी पिक्चर’ अखेर समोर, मोनालिसाकडून सत्य अखेर समोर
व्हायरल गर्ल मोनालिसासाठी 'द डायरी ऑफ मणिपूर' सिनेमा ठरला घातक, दिग्दर्शकाचा 'डर्ची पिक्चर' अखेर समोर... मोनालिसा हिने अखेर सत्य सांगितलंच... कुटुंबियांनी देखील नाही दिला पाठिंबा...
कुंभमेळ्यातून व्हायलर झालेल्या मोनालिसा हिला जेव्हा सिनेमात काम करण्याची संधी मिळाली, तेव्हा गरीब मुलीचं नशीब उजळलं असं सर्वांना वाटलं. पण तिला या प्रसिद्धीचे वाईच परिणाम भोगावे लागले. सिनेमाच्या शुटिंग दरम्यान, वाईट घटना घडल्याची कबुली मोनालिसा हिने दिली आहे. नुकताच, एर्नाकुलम सेंट्रल पोलीस स्टेशनमध्ये पॉक्सो कायद्या अंतर्गत गंभीर कलमांखाली चार जणांविरुद्ध गुन्हा दाखल केला आहे. या तक्रारीत तिने चित्रपटसृष्टी आणि इतर क्षेत्रांतील लोकांवर आरोप केले आहेत.
मोनालिसाने दाखल केलेल्या एफआयआरमध्ये विश्व हिंदू परिषदेचे नेते आणि वकील अनिल विलायिल यांचं देखील नाव आहे. तिने सिनेमा दिग्दर्शक सनोज मिश्रा याच्यावरही गंभीर आरोप केले आहेत. पीटीआयच्या वृत्तानुसार, संबंधित एफआयआर बुधवार, 29 एप्रिल 2026 रोजी दाखल करण्यात आला.
तक्रारीत मोनालिसानं म्हटलं आहे की, ‘द डायरी ऑफ मणिपूर’ या सिनेमाच्या शुटिंग दरम्यान तिला अयोग्य वागणुकीला सामोरं जावं लागलं. कोची येथे एका पत्रकार परिषदेत तिने दावा केला की, दिग्दर्शक सानोज मिश्रा याने तिला अनेक वेळा वाईटरित्या स्पर्श केला. शुटिंग सुरु असताना असुरक्षित वाटत असल्याचं देखील मोनालिसा हिने सांगितले. मोनालिसा म्हणाली, “दिग्दर्शकाने मला 10 वेळा वाईटरित्या स्पर्श केला. माझ्या कुटुंबीयांनीही मला पाठिंबा दिला नाही.”
मोनालिसा पुढे म्हणाली, जेव्हा कुटुंबियांना याबद्दल सांगितलं, तेव्हा त्यांनी देखील लक्ष दिलं नाही. एवढंच नाही तर, कुटुंबाने तिला पाठिंबा देण्यासही नकार दिला. अखेर मोनालिसा हिने कायदेशीर मदत घेण्याचा निर्णय घेतला. वकील अनिल विलायिल यांच्यावर सोशल मीडियाच्या माध्यमातून मोनालिसाची प्रतिमा मलीन करण्याचा प्रयत्न केल्याचा आरोप आहे.
मिळालेल्या माहितीनुसार, मोनालिसा 30 एप्रिल, गुरुवारी न्यायालयात हजर झाली, जिथे तिने अधिकृत जबाब नोंदवला. या घटना मध्य प्रदेशात घडल्या असल्याने, हे प्रकरण मध्य प्रदेश पोलिसांकडे वर्ग केलं जाऊ शकतं, असा अधिकाऱ्यांचा विश्वास आहे.
मोनालिसा आणि फरमान यांचं लग्न
मोनालिसा आणि फरमान यांच्या लग्नाला विरोध करत कुटुंबियांनी ‘लव्ह जिहाद’चे आरोप केले आहे. त्याने असा आरोप केला की मोनालिसाला लग्नासाठी फूस लावली गेली. मात्र, मोनालिसा सुरुवातीपासूनच आपल्या निर्णयांचं समर्थन करत आहे. एवढंच नाही तर, आपण सज्ञान असल्याचा दावा करत आहे. आता याप्रकरणी पुढे काय होणार पाहणं महत्त्वाचं ठरणार आहे.
