वाढत्या वजनामुळे कपिल शर्माला शोमधून नाकारले आणि सुरु झाला ‘द कपिल शर्मा शो’, वाचा किस्सा

मुंबई : अभिनेता कपिल शर्मा (Kapil Sharma) एक उत्तम विनोदी कलाकार आहे. तो त्याच्या जबरदस्त विनोदी शैलीमुळे घरोघरी लोकप्रिय आहे. कपिल शर्मा आजच्या घडीला एक यशस्वी विनोदी कलाकार आहे, पण एक काळ असा होता की त्याला त्याच्या लठ्ठपणामुळे एका शोमधून नाकारण्यात आले होते. कपिल शर्माने स्वतः ही वस्तुस्थिती उघड केली होती. सर्वांना माहित आहे की, कपिल शर्माने प्रथम रिअॅलिटी शोद्वारे आपली छाप पाडली आणि नंतर कॉमेडी शोचा भाग बनला. आता तो स्वतःचा शो ‘द कपिल शर्मा शो’ घेऊन येतो, जो टीव्हीच्या जगातला लोकप्रिय कॉमेडी शो आहे.

कपिल शर्मा शोमध्ये अनेक मोठे सेलिब्रिटीज सामील आहेत आणि त्यांच्या आयुष्याबद्दल आणि नातेसंबंधाबद्दल अनेक महत्त्वपूर्ण खुलासे करतात. त्याच्या शोचे सर्वात मोठे वैशिष्ट्य म्हणजे तो आपल्या पाहुण्यांना सहज बोलते करू शकतो.

घर चालवण्यासाठी केले कष्ट

‘द कपिल शर्मा शो’चे 500 हून अधिक भाग प्रसारित झाले आहेत. हा भारतातील सर्वात लोकप्रिय कॉमेडी शो आहे. कपिलने हा शो 5 वर्षांपूर्वी म्हणजेच 2016 मध्ये सुरु केला होता. सर्वांना माहित आहे की, कपिल शर्मा हा संघर्षातून जन्मलेला कलाकार आहे. एकेकाळी घर चालवण्यासाठी त्यांना अगदी काही गोष्टी विकाव्या लागल्या होत्या. पण ‘द ग्रेट इंडियन लाफ्टर चॅलेंज’चा तिसरा सीझन जिंकल्यानंतर कपिल शर्माने कधीच मागे वळून पाहिले नाही.

कपिल शर्माने आपल्या एका मुलाखतीत सांगितले होते की, यापूर्वी कलर्स टीव्हीने ‘झलक दिखला जा’ या डान्स रिअॅलिटी शोच्या होस्टसाठी त्याला बोलावले होते. तो कॉमेडियन मनीष पॉलसोबत शो होस्ट करणार होता. कपिल शर्मा हा रिअॅलिटी शो होस्ट करण्यासाठीही तयार होता. यानंतर त्याला प्रॉडक्शन हाऊसला भेटण्यासाठी बोलावण्यात आले.

लठ्ठपणामुळे हातून निसटली संधी

कपिल शर्माने सांगितले की, जेव्हा तो प्रॉडक्शन हाऊसला भेटायला गेला, तेव्हा निर्मात्याने त्याला सांगितले की, तो खूप लठ्ठ आहे. कपिलने आपल्या मुलाखतीत सांगितले की, निर्मात्याने त्याला वजन कमी करण्याचा सल्ला दिला होता. जेव्हा त्याने चॅनेलला याबद्दल सांगितले, तेव्हा प्रॉडक्शन हाऊसने सांगितले की, तो माणूस बरा आहे आणि नंतर त्याचे वजन जास्त आहे. कपिल म्हणाला, मग मी त्यांना सांगितले की, ते कॉमेडी शो करण्याचा विचार का करत नाही?

आणि सुरु झाला ‘द कपिल शर्मा शो’

कपिल शर्मा म्हणाले की, चॅनल त्याच्या कल्पनेशी सहमत होते. पण त्याला स्वतः काहीच कल्पना नव्हती. त्यामुळे त्याने दोन दिवसांचा वेळ मागितला. त्यानंतर तो घरी आला आणि विचार केला की तो काय चांगले करू शकतो? कपिल म्हणाला की, मला वाटले की मी स्टँडअप, स्केच कॉमेडी आणि कॉस्च्युम कॉमेडी चांगले करू शकतो. मग मी एका शोमध्ये या सर्व गोष्टी एकत्र करण्याचा विचार केला.

तो म्हणाला, जेव्हा आमचा शो चित्रीत झाला, तेव्हा 120 मिनिटे होती. चॅनेलला फक्त 70 मिनिटांचा शो हवा होता. अशा प्रकारे त्याचा स्वतःचा शो ‘द कपिल शर्मा शो’ सुरू झाला ज्याला प्रेक्षकांकडून खूप प्रेम मिळत आहे. कपिल शर्मा म्हणाले, सुरुवातीला शोच्या केवळ 25 भागांचा विचार करण्यात आला होता. पण, आज 500 भाग प्रसारित झाले आहेत.

हेही वाचा :

Bigg Boss 15 | सलमान खानच्या शोमध्ये झळकणार रिया चक्रवर्ती? तेजस्वी प्रकाशसोबत स्टुडीओ बाहेर दिसल्याने चर्चांना उधाण!

Shilo Shiv Suleman : कोण आहे शिलो शिव सुलेमान, जिच्यासोबत अभय देओल रोमँटिक फोटो शेअर करत प्रसिद्धीच्या झोतात आला?