ट्विटरवर शाहरुख खान विरोधात विराट कोहली; दोन्ही सेलिब्रिटींचे चाहते भिडले, नेमकं काय आहे प्रकरण?

मुंबई : बॉलिवूडचा ‘किंग’ शाहरुख खान आणि क्रिकेटच्या मैदानावरील ‘किंग’ विराट कोहली यांच्यातील नातं जरी मैत्रीचं असलं तरी सध्या या दोघांचे चाहते एकमेकांशी भिडले आहेत. जवळपास गेल्या दोन दिवसांपासून ट्विटरवर शाहरुख आणि विराटचे चाहते एकमेकांविरोधात ट्विट करत आहेत. कोणता सेलिब्रिटी सर्वोत्कृष्ट आहे, हे सिद्ध करण्यासाठी दोघांच्या चाहत्यांमध्ये चुरस रंगली आहे. कोणी शाहरुखच्या अभिनयाचं आणि जगभरात प्रसिद्ध असल्याचं म्हणतंय. तर कोणी विराट कोहलीच्या स्टारडम आणि इन्स्टाग्राम फॉलोअर्सचं उदाहरण देत त्याला शाहरुखपेक्षा मोठं म्हटलं जातंय. ट्विटरवर सुरू असलेल्या या ट्रेंडमध्ये काही चाहते वादग्रस्त ट्विटसुद्धा करत आहेत.

ट्विटरवर सुरू असलेल्या या वादादरम्यान काही लोक शांतीचं आवाहन करत आहेत. एका युजरने लिहिलं, ‘कोणाचा अपमान करण्याचा हेतू नाही. विराट कोहली आणि शाहरुख खान दोघंही या देशाचा अभिमान आहेत. हे दोघं आपल्या देशाचं जगभरात प्रतिनिधीत्व करतात. त्यामुळे या क्षुल्लक वादाला इथेच थांबवा.’

शाहरुख खानच्या चाहत्याने लिहिलं, ‘शाहरुखची तुलना इतरांशी का केली जाते? शाहरुख विरोधात साऊथचे कलाकार, शाहरुखविरोधात राजकारणी, शाहरुख विरोधात क्रिकेटर्स. कारण सर्वांना माहितीये की तो सर्वोत्कृष्ट आहे.’ दुसरीकडे विराटच्या चाहत्याने लिहिलं, ‘शाहरुखचा सर्वाधिक लाइक केलेला ट्विट हा विराट कोहलीसंदर्भातील होता. त्यामुळे विराटच्या लोकप्रियतेचा अंदाज तुम्हाला येऊ शकतो.’

Why everyone is comparing SRK with other ? SRK vs Bollywood South actors SRK vs Politicians SRK vs Cricketers SRK vs everyone Bcz everyone knows that he is the best ♥️? #ShahRukhKhan? #SRK? #SRKians

— Usmita Pathak (@iamSmitaSRK) March 29, 2023

शाहरुख खान हा बॉलिवूडमधल्या सर्वांत मोठ्या सेलिब्रिटींपैकी एक आहे, हे सर्वांनाच ठाऊक आहे. त्याचा चाहतावर्ग केवळ देशातच नाही तर जगभरात आहे. त्याच्या नुकत्याच प्रदर्शित झालेल्या ‘पठाण’ या चित्रपटाने कमाईचे नवे विक्रम रचले. बॉलिवूडमधील हा सर्वाधिक कमाई करणारा चित्रपट ठरला आहे. या चित्रपटाने देशभरात 500 कोटी रुपयांची कमाई केली आहे. केवळ चित्रपटामुळेच नाही तर शाहरुख नेहमीच त्याच्या विनम्र स्वभावामुळेही ओळखला जातो. मन्नत बाहेर जमलेली चाहत्यांची गर्दी असो किंवा मग पापाराझी.. शाहरुख नेहमीच त्यांच्याशी प्रेमळपणे वागताना दिसतो.

Highest liked tweet of Shah Rukh Khan is related to one and only Virat Kohli. These are the levels.#ViratKohli pic.twitter.com/HDWyfV9jCY

— Sahdevbanta?? ™ (@sahdevbanta) March 29, 2023

विराट कोहलीसुद्धा देशातील सर्वोत्कृष्ट क्रिकेटर्सपैकी एक आहे. टेस्ट मॅच, वनडे आणि टी 20 मध्ये त्याने आतापर्यंत 71 शतक झळकावले आहेत. इन्स्टाग्रामवर त्याचे तब्बल 24.2 कोटी फॉलोअर्स आहेत. सोशल मीडियावरील तो मोठा स्टार आहे.