‘या’ भाज्या चुकूनही फ्रीजमध्ये ठेवू नका, बिघडू शकते तब्येत
भाज्या खराब होऊ नयत म्हणून आपण बऱ्याच वेळेस त्या फ्रीजमध्ये ठेवतो. मात्र काही भाज्या अशा असतात, ज्या फ्रीजमध्ये अजिबात ठेवू नयेत.
नवी दिल्ली: अनेकदा आपण भाज्या (vegetables) खराब होऊ नयेत म्हणून फ्रिजमध्ये (store in fridge) साठवून ठेवतो. भाज्या फ्रीजमध्ये ठेवण्याचे आणखी एक कारण म्हणजे त्या ताज्या (to keep the vegetables fresh) ठेवणं. पण आज आम्ही या लेखाच्या माध्यमातून काही अशा भाज्यांबद्दल सांगणार आहत, ज्या कधीही फ्रीजमध्ये ठेवू नयेत. अन्यथा आपली तब्येत (side-effects) बिघडू शकते.
लसूण
अख्खं लसूण किंवा लसणाच्या सुट्ट्या पाकळ्या कधीच फ्रीजमध्ये ठेवू नयेत. फ्रीजमध्ये लसूण ठेवल्यास त्यातील वातावरणामुळे लसणाला अंकुर फुटू शकतात. त्यामुळे लसूण बाहेर मोकळ्या हवेत ठेवावा, फ्रीजमध्ये नव्हे.
काकडी
काकडी सुद्धी कधीच फ्रीजमध्ये स्टोअर करू नये. काकडी जर 10 डिग्री सेल्सियसपेक्षा खालच्या तापमानात ठेवली तर त्याचा वरचा थर वेगाने कुजायला लागतो. आणि त्यामुळे इतर भाज्यांचेही नुकसान होऊ शकते.
बटाटा
बटाट्यामध्ये स्टार्च मोठ्या प्रमाणात असते. बटाटा जर फ्रीजमध्ये ठेवला तर त्या स्टार्चचे साखरेत रुपांतर होते. असा बटाट जर मधुमेही व्यक्तींनी खाल्ला तर त्यांच्या रक्तातील साखर वेगाने वाढण्याची शक्यता असते, जे मधुमेही व्यक्तींसाठी धोकादायक ठरू शकते. त्यामुळे बटाटा फ्रीजमध्ये नव्हे तर बाहेर, मोकळ्या हवेत ठेवावा.
कांदा
कांदाही कधीच फ्रीजमध्ये ठेवू नये. यामुळे कांद्याची कडक होण्याची क्षमता मऊ होते. ज्यामुळे कांद्यामधील नैसर्गिक तत्वं संपू लागतात. कडक सूर्यप्रकाश आणि अधिक थंड हवामान यापासून कांद्याचे नेहमी संरक्षण करावे.
