कुराण आणि अरबी भाषा लगेच शिकून घ्या, इस्रायलचा आपल्या नागरिकांना तातडीचा आदेश, नेतन्याहू यांचा खतरनाक प्लॅन समोर

इराण आणि इस्रायलमध्ये भीषण युद्ध झालं, या युद्धामध्ये दोन्ही देशांचं प्रचंड नुकसान झालं आहे. सध्या दोन्ही देशांकडून युद्धविरामाची घोषणा करण्यात आली आहे. मात्र जरी युद्धविराम झाला असला तरी दोन्हीही देशांमध्ये भविष्यातील धोके लक्षात घेऊन अंतर्गत हालचाली सुरूच असल्याचं पाहायला मिळत आहे. आता इस्रायलकडून मोसादचे अधिकारी आणि आपल्या सैनिकांसाठी एक आदेश जारी करण्यात आला आहे. या आदेशानुसार आता सैन्य दलातील सर्व अधिकाऱ्यांना आणि सैनिकांना अनिवार्यपणे कुराण आणि अरबी भाषा शिकावी लागणार आहे, यामध्ये कोणालाही सूट मिळणार नाहीये, इस्रायलच्या सरकारने तसे आदेश जारी केले आहेत.

महत्त्वाची बातमी म्हणजे,समोर येत असलेल्या माहितीनुसार आता इस्रायल आपल्या अभ्यासक्रमामध्ये देखील कुराण आणि अरबी भाषेचा समावेश करणार आहे. इस्रायलच्या सरकारी चॅनलकडून मिळालेल्या माहितीनुसार ऑक्टोबर 2023 मध्ये हमासकडून इस्रायलवर मोठा हल्ला करण्यात आला होता. गुप्तचर यंत्रणाने केलेल्या चुकीमुळे हा हल्ला झाल्याचं मानलं जातं आहे, या रिपोर्टमध्ये असं देखील म्हटलं आहे की, जर सैन्य अधिकारी आणि मोसादच्या अधिकाऱ्यांना अरबी भाषा येत असती तर हा हल्लाच झाला नसता, त्यामुळे आता इस्रायलने आपल्या अधिकाऱ्यांनी लवकरात लवकर अरबी भाषा शिकावी असे आदेश काढले आहेत.

यामुळे काढला आदेश

समोर आलेल्या माहितीनुसार इस्रायल चारही बाजूंनी मुस्लिम राष्ट्रांनी वेढलेला आहे. इस्रायलच्या शेजारी जॉर्डन, तुर्की, साऊदी, यमन आणि लेबनान सारखे देश आहेत. ज्या देशांमध्ये अरबी भाषा बोलली जाते, फक्त इस्रायलच असा एकमेव देश आहे, जिथे हिब्रू भाषा बोलली जाते.

इस्रायल आणि इराणमधील संघर्ष सध्या शिगेला पोहोचला आहे, इराणकडून देखील इस्रायलवर कधीही हल्ला होऊ शकतो, अशी परिस्थिती आहे. इराणमध्ये देखील अनेक लोक अरबी बोलतात, त्यामुळे इस्रायलकडून आता या भाषेची सक्ती आपल्या अधिकाऱ्यांवर करण्यात आली आहे.

इस्रायलचे जे टॉप कमांडर आहेत त्यांना अरेबी भाषेचं ज्ञान आहे, त्यामुळे ते भाषेच्या जोरावर शत्रू राष्ट्राचे अनेक प्लॅन डीकोड करतात, मात्र इस्रायलमधील सैनिकांचा जो दुय्यम स्थर आहे, त्यांना अनेक अडचणी येत आहेत, त्यामुळे त्यांना आता अरबी भाषा सक्तीची करण्यात आली आहे.