लॉकडाऊनमुळे मधुमेह, रक्तदाबावरील औषधांचा तुटवडा, शस्त्रक्रिया झालेल्यांनाही औषध नाही

जळगाव : कोरोना विषाणूचा संसर्ग रोखण्यासाठी केंद्र सरकारने (Medicine not available Maharahstra Lockdown)  देशभरात 14 एप्रिलपर्यंत लॉकडाऊन जाहीर केला आहे. लॉकडाऊनमुळे अत्यावश्यक सेवा वगळता सर्व काही ठप्प आहे. वाहतूक व्यवस्थाही देखील प्रभावित झाल्याने जळगावमध्ये औषधांचा तुटवडा भासत आहे. लॉकडाऊनमुळे अन्य शहरांसह राज्यांमधून येणारा औषधांचा पुरवठा खंडित झाला आहे. त्यामुळे आता दुर्धर आजारांवरील महागडी औषधे मिळणे कठीण झाले आहे.

गेल्या आठवड्यात लॉकडाऊनची घोषणा करण्यात (Medicine not available Maharahstra Lockdown) आली होती. लॉकडाऊननंतर काही दिवसात त्याचे विपरीत परिणाम जाणवत आहेत. जळगावमध्ये मधुमेह, रक्तदाब यासारख्या अनेक गंभीर स्वरुपाच्या औषधांचा तुटवडा जाणवत आहे. तसेच मूत्रपिंड, यकृत प्रत्यारोपण, कर्करोग, पक्षघाताची मोठी शस्त्रक्रिया झालेल्या रुग्णांनाही आवश्यक औषध मिळत नसल्याचे समोर आलं आहे.

स्थानिक बाजारपेठेतील अनेक मेडिकलमध्ये औषधांचा साठा संपला आहे. नवीन मागणी नोंदवूनही औषधांचा पुरवठा कंपन्यांकडून होत नाही. त्याशिवाय औषधी कंपन्यांच्या उत्पादनावरही मोठ्या प्रमाणावर परिणाम झाला आहे. कंपन्यांमध्ये लॉकडाऊनपूर्वी उत्पादित झालेला साठाही वाहतूक व्यवस्था ठप्प झाल्याने स्थानिक पातळीपर्यंत पुरवण्यात अडचणी येत आहे.

नामांकित मेडिकलमध्येही औषधं नाही

अनेक गरजू रुग्णांना वेळेवर औषधं मिळत नसल्याने त्यांना अडचणींचा सामना करावा लागत आहे. शहरातील नामांकित मेडिकल्समध्ये देखील आवश्यक ती औषधे इतर सामुग्री मिळत नसल्याचे पाहायला मिळत आहे. लॉकडाऊनला सुरुवात झाल्यानंतर काही लोकांनी खबरदारी म्हणून आवश्यक ती औषधे गरजेपेक्षा अधिक प्रमाणात घेऊन ठेवली आहे. त्यामुळे देखील काही औषधे संपली आहेत.

औषधांचा तुटवडा जाणवत असल्याने रुग्णांची होणारी अडचण लक्षात घेऊन काही मेडिकल चालक मागणी नोंदवून घेत आहेत. त्यानंतर जसजसा औषधांचा साठा उपलब्ध होत आहे, तसा तो मागणीनुसार रुग्णांना पुरवत (Medicine not available Maharahstra Lockdown) आहेत.