TMC Election Results 2026 LIVE : ठाणे महानगरपालिकेतील प्रभाग क्र. 17 आणि 18 मध्ये कोणी मारली बाजी?

TMC Election Results 2026 LIVE : ठाणे महानगरपालिका निवडणुकीची मतमोजणी सुरू आहे. आतापर्यंत हाती आलेल्या कौलनुसार, एकनाथ शिंदे यांची शिवसेना 26 जागांवर आघाडीवर आहे, तर भाजप 6 जागांवर आघाडीवर आहे. ठाण्यात भाजप आणि शिंदेंच्या शिवसेनेची युती आहे. तर दुसरीकडे शिवसेना ठाकरे गट, मनसे आणि राष्ट्रवादी शरद पवार गट यांची युती आहे. राज्य निवडणूक आयोगाने दिलेल्या माहितीनुसार, ठाण्यात दुपारी 3.30 वाजेपर्यंत 43.96 टक्के मतदान झालं होतं. ठाणे महानगरपालिकेत एकूण 33 प्रभाग असून 131 जागा आहेत. महायुतीमध्ये शिवसेनेनं 87 जागा लढवल्या असून भाजपने 40 जागांवर निवडणूक लढवली आहे. तर उर्वरित चार जागा लहान मित्रपक्षांना देण्यात आल्या आहेत. विरोधी पक्षांमध्ये शिवसेना ठाकरे गटाने 53 जागा, मनसे 34 आणि शरद पवार यांच्या नेतृत्वाखालील राष्ट्रवादी काँग्रेसनं 36 जागा लढविल्या आहेत.

ठाणे महापालिकेत एकूण मतदारांची संख्या 16 लाख 49 हजार 867 असून यात पुरुष मतदारांची संख्या सर्वाधिक आहे. ठाणे महापालिकेची निवडणूक 2011 च्या जनगणनेनुसार 2017 साली झाली असून यंदाही त्याच जनगणनेनुसार निवडणूक होत आहे. 2017 प्रमाणेच यंदाच्या निवडणुकीत एकूण 33 प्रभाग आहेत. त्यात 32 प्रभाग चार सदस्यांचे तर एक प्रभाग तीन सदस्यांचा असणार आहे.

Ward No. 16

गेल्या वेळी प्रभाग क्रमांक 16 मधील चारही जागांवर शिवसेनेनं बाजी मारली होती. या प्रभागामध्ये सावरकर नगर, डेवले नगर, करवालो नगर, आर. जे. ठाकूर कॉलेज परिसर, ESIS हॉस्पिटल परिसर, पाइपलाइन रोड (हॉस्पिटल जंक्शन ते प्रिया माने हाऊसपर्यंत) आणि लुईसवाडीचा काही भाग यांसारख्या प्रमुख भागांचा समावेश होतो. प्रभाग क्रमांक 16 ची एकूण लोकसंख्या 55886 इतकी आहे. त्यापैकी 5173 एवढी अनुसूचित जातीची तर 2003 इतकी अनुसूचित जमातीची लोकसंख्या आहे.

2017 मध्ये या प्रभागात चारपैकी चारही जागांवर शिवसेनेनं बाजी मारली होती. प्रभाग क्रमांक सोळा अ मधून शिवसेनेच्या मनिषा कांबळे विजयी झाल्या होत्या, तर प्रभाग क्रमांक 16 ब मधून शिवसेनेच्या शिल्पा वाघ या विजयी झाल्या होत्या. क मधून शिवसेनेचे गुरमुखसिंह स्यान यांनी बाजी मारली होती. तर ड मधून शिवसेनेचे माणिक पाटील हे विजयी झाले होते.

Ward No. 17

गेल्या वेळी प्रभाग क्रमांक 17 मधील चारही जागांवर शिवसेनेनं बाजी मारली होती. या प्रभागामध्ये रामचंद्र नगर, राम मारूती नगर आणि काही प्रमाणात घोडबंदर रोड यांसारख्या प्रमुख भागांचा समावेश होतो. प्रभाग क्रमांक 17 ची एकूण लोकसंख्या 56306 इतकी आहे. त्यापैकी 4903 एवढी अनुसूचित जातीची तर 705 इतकी अनुसूचित जमातीची लोकसंख्या आहे.

2017 मध्ये या प्रभागात चारपैकी चारही जागांवर शिवसेनेनं बाजी मारली होती. प्रभाग क्रमांक सोळा अ मधून शिवसेनेच्या एकता भोईर विजयी झाल्या होत्या, तर प्रभाग क्रमांक 17 ब मधून शिवसेनेच्या संध्या मोरे विजयी झाल्या होत्या. क मधून शिवसेनेचे प्रकाश शिंदे यांनी बाजी मारली होती. तर ड मधून शिवसेनेचे योगेश जानकर हे विजयी झाले होते.

ठाणे महापालिका निवडणूक निकाल लाईव्ह

Ward No. 18

गेल्या वेळी प्रभाग क्रमांक 18 मधील चारही जागांवर शिवसेनेनं बाजी मारली होती. या प्रभागामध्ये प्रामुख्याने मजिवाडा-मानपाडा परिसरातील काही भाग येतात, ज्यात कासारवडवली, पातळिपाडा, झेनिथ हॉस्पिटलजवळचे भाग, आणि घोडबंदर रोडवरील काही भाग यांचा समावेश होते. प्रभाग क्रमांक 18 ची एकूण लोकसंख्या 53414 इतकी आहे. त्यापैकी 2173 एवढी अनुसूचित जातीची तर 567 इतकी अनुसूचित जमातीची लोकसंख्या आहे.

2017 मध्ये या प्रभागात चारपैकी चारही जागांवर शिवसेनेनं बाजी मारली होती. प्रभाग क्रमांक अठरा अ मधून शिवसेनेचे दीपक वेतकर विजयी झाले होते, तर प्रभाग क्रमांक 18 ब मधून शिवसेनेच्या जयश्री फाटक विजयी झाल्या होत्या. क मधून शिवसेनेच्या सुखदा मोरे यांनी बाजी मारली होती. तर ड मधून शिवसेनेचे राम रेपाळे हे विजयी झाले होते.

महत्त्वाच्या लिंक्स

महाराष्ट्र निवडणूक निकाल 2026

महाराष्ट्र महापालिका निवडणूक निकाल 2026 मतमोजणीचे लाईव्ह अपडेट्स

बीएमसी महाराष्ट्र निवडणूक निकाल LIVE TV

महाराष्ट्र महानगरपालिकेचा सर्वात वेगवान निकाल पाहा फक्त टीव्ही 9 मराठीवर LIVE

ठाणे महापालिका निवडणूक निकाल 2026 LIVE