दही आणि तांदळाच्या पीठाचा फेसपॅक त्वचेला लावा आणि त्वचेच्या सर्व समस्या दूर करा !
सध्याच्या हंगामात आरोग्याबरोबरच त्वचेची देखील विशेष काळजी घ्यावी लागते. कारण याच काळात आपली त्वचा तेलकट आणि कोरडी होते. यासाठी आपण घरगुती उपचार करून आपली त्वचा तजेलदार आणि सुंदर करू शकतो.
मुंबई : सध्याच्या हंगामात आरोग्याबरोबरच त्वचेची देखील विशेष काळजी घ्यावी लागते. कारण याच काळात आपली त्वचा तेलकट आणि कोरडी होते. यासाठी आपण घरगुती उपचार करून आपली त्वचा तजेलदार आणि सुंदर करू शकतो. आज आम्ही तुम्हाला खास फेसपॅक सांगणार आहोत. ज्यामुळे तुमची त्वचा सुंदर होण्यास मदत होईल. विशेष म्हणजे यामुळे कोणतेही दुष्परिणाम आपल्या त्वचेला होणार नाहीत. (Face pack of curd and rice flour is beneficial for the skin)
दही आणि तांदळाच्या पीठाचा फेसपॅक घरी तयार करण्यासाठी चार चमचे दही, दोन चमचे तांदळाचे बारीक केलेले पीठ आणि गुलाब पाणी लागणार आहे. हे सर्व साहित्य एकत्र मिक्स करून घ्या आणि त्याची चांगली पेस्ट तयार करा. ही पेस्ट साधारण 30 मिनिटांसाठी आपल्या चेहऱ्यावर लावा. त्यानंतर थंड पाण्याने चेहरा धुवा. हा फेसपॅक आपल्या त्वचेसाठी खूप फायदेशीर आहे. यामुळे आपल्या त्वचेच्या अनेक समस्या दूर होण्यास मदत होते. हा फेसपॅक आपण आठ दिवसातून चार वेळा लावला पाहिजे.
दह्यामध्ये अँटी-इंफ्लेमेटरी गुणधर्म आहेत. जे सर्नबर्न आणि टॅनिंगची समस्या दूर करण्यासाठी उपयोगी ठरते. सन बर्न कमी करण्यासाठी त्वचेवर दही लावा आणि 15 मिनिटांनंतर त्वचा साध्या पाण्याने स्वच्छ धुवा. टॅनिंग काढून टाकण्यासाठी दह्यामध्ये 3 ते 4 चमचे बेसन पीठ आणि लिंबाचा रस घाला. आता ही पेस्ट टॅन झालेल्या भागावर लावा आणि कोरडे होऊ द्या. मिश्रण चांगले कोरडे झाल्यावर त्वचा पाण्याने धुवा. आपल्याला काही दिवसांतच याचा फरक दिसून येईल.
केसांवर आणि त्वचेवर दही लावल्याने त्याचे चांगले परिणाम दिसू लागतात. डोक्यातील कोंडा टाळण्यासाठी केसांना दही लावणे फायदेशीर ठरते. यासाठी केसांना दही लावून अर्ध्या तासाने केस धुवावे. दहीमध्ये लैक्टोज असते. यामुळे तुमची पाचकशक्ती वाढते. ज्यांचे पचन तंत्र कमकुवत आहे अशा लोकांसाठी ते फायदेशीर आहे, कारण दही पचणे खूप सोपे आहे.दही हा एक उत्तम प्रोबायोटिक पदार्थ आहे. त्यामध्ये असलेले सूक्ष्मजीव आपल्या शरीरासाठी फायदेशीर ठरते. दही अँटिऑक्सिडेंट म्हणून काम करते.
(टीप : कुठल्याही कृतीपूर्वी डॉक्टरांचा किंवा सौंदर्यतज्ज्ञांचा सल्ला घेणे बंधनकारक आहे.)
संबंधित बातम्या :
Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!
Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..
Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare
— TV9 Marathi (@TV9Marathi) February 24, 2021
(Face pack of curd and rice flour is beneficial for the skin)
