अनियमित मासिक पाळीच्या समस्येनं त्रस्त असाल तर ‘हे’ घरगुती उपाय नक्की ट्राय करा

मुंबई : सध्या अनियमित मासिक पाळीची (Periods) समस्या मुली आणि महिलांमध्ये अगदी सामान्य झाली आहे. साधारणपणे, स्त्रियांची मासिक पाळी 28 ते 32 दिवसांची असते, जी दर महिन्याच्या जवळपास समान दिवसांच्या अंतरानं चालते. हे दर महिन्याच्या कालावधीच्या पहिल्या दिवसापासून मोजली जाते. जर हे सर्कल खूप लांब किंवा खूप कमी काळ टिकलं तर त्याला अनियमित कालावधी असं म्हणतात.

सहसा हा त्रास हार्मोन्सच्या बदलांमुळे होतो. पण तज्ञ हे देखील सांगतात की याचं कारण तणाव, लठ्ठपणा, थायरॉईड, पीसीओडी, जन्म नियंत्रण गोळ्यांचा वापर इत्यादी कारणं सुद्धा असू शकतात. मासिक पाळी अनियमित झाल्यामुळे, स्त्रियांना गर्भाशयात वेदना, भूक न लागणे, स्तन, पोट, हात आणि पाय आणि पाठ दुखणे, जास्त थकवा, मळमळ, उलट्या, बद्धकोष्ठता इत्यादी अनेक समस्यांना तोंड द्यावं लागतं. मासिक पाळीच्या अनियमिततेच्या समस्येमध्ये तुम्ही काही घरगुती उपचार देखील करू शकता.

बडीशेपचं पाणी

बडीशेप वापरल्यानं गर्भाशयात आकुंचन निर्माण होतं जे वेळेवर मासिक पाळी आणण्यास उपयुक्त ठरू शकतं. अशा स्थितीत बडीशेपचं पाणी नियमित प्यावं, यासाठी एका भांड्यात बडीशेप टाकून 5 ते 10 मिनिटे उकळून घ्या. जेव्हा हे पाणी थंड होते, तेव्हा ते गाळून घ्या आणि दिवसातून एकदा प्या. या व्यतिरिक्त, तुम्ही बडीशेप रात्रभर पाण्यात भिजवून आणि सकाळी हे पाणी गाळून पिऊ शकता. असं काही दिवस सतत केल्यानं मासिक पाळी नियमित होऊ लागते.

कच्ची पपई

वेळेवर मासिक पाळी आणण्यासाठी कच्च्या पपईचा खूप उपयोग होऊ शकतो. जर तुम्ही दही मिसळून कच्ची पपई खाल्ली तर ते इस्ट्रोजेन हार्मोनला उत्तेजित करतं आणि मासिक पाळी वेळेवर सुरू होते. तुम्ही त्याचे नियमित सेवन करू शकता किंवा मासिक पाळीच्या काही दिवस आधी पपई खाणं सुरू करू शकता. ही समस्या दूर करण्यासाठी कच्च्या पपईचा रस देखील खूप प्रभावी मानला जातो. जर कच्ची पपई उपलब्ध नसेल तर पिकलेली पपई सुद्धा खाऊ शकता.

धणे

एक कप पाण्यात एक चमचा धणे आणि दालचिनी पावडर उकळा. जेव्हा ते अर्ध राहील तेव्हा ते गाळून घ्या आणि त्यात साखर कँडी मिसळा. हे पाणी दिवसातून दोन ते तीन वेळा प्या. यामुळे मासिक पाळी वेळेवर आणण्यास मदत होते.

अननस देखील फायदेशीर 

अनियमित कालावधी नियमित करण्यासाठी अननस खूप फायदेशीर मानलं जातं. त्यात असलेले ब्रोमेलेन एंजाइम गर्भाशयाचं आवरण मऊ करण्यास मदत करते. हे मासिक पाळीचे नियमन देखील करते. जर हे पीरियड्स दरम्यान सेवन केले गेलं तर वेदना, क्रॉम्प्स इत्यादींमध्ये खूप आराम मिळतो.

संबंधित बातम्या

डोळ्यांखालील डार्क सर्कल्सनी त्रस्त आहात, ‘हे’ घरगुती उपाय नक्की ट्राय करून पाहा

Hair Care : मजबूत घनदाट केसांसाठी ‘ही’ 3 Hair Oils आहेत संजीवनी, या तेलांचे फायदे वाचून चकीत व्हाल

तरुणींमध्ये वाढतेय ऑक्सिडाइज्ड ज्वेलरीची क्रेझ, वेगवेगळ्या आऊटफिट्ससोबत अशा प्रकारे करू शकता कॅरी!