भोपळ्याच्या बिया फेकून देण्याची चूक करू नका, लांब रेशमी अन् चमकदार केसांसाठी फायदेशीर

आजकाल प्रत्येकालाच आपले केस लांब, जाड आणि चमकदार केस आवडतात.यासाठी काही लोक बाजारात उपलब्ध असलेले केसांच्या वाढीसाठी अनेक प्रकारचे सीरम, शाम्पू आणि तेल उपलब्ध आहेत. पण कधीकधी आपल्याला यातून अपेक्षित परिणाम मिळत नाहीत. तसेच या प्रोडक्टमध्ये कॅमिकल असल्याने काही लोकांच्या केसांना नुकसान पोहोचवू शकते. अशा परिस्थितीत केस लांब करण्यासाठी घरगुती उपाय प्रभावी ठरू शकतात.

तुम्हालाही तुमचे केस लांब, जाड आणि मजबूत बनवायचे असतील तर भोपळ्याच्या बिया तुम्हाला यामध्ये मदत करू शकतात. हो, भोपळ्याच्या बिया हे एक सुपरफूड आहे ज्यामध्ये जीवनसत्त्वे, प्रथिने, अँटिऑक्सिडंट्स असे अनेक पोषक घटक असतात जे निरोगी केसांसाठी खूप आवश्यक असतात. भोपळ्याच्या बियांचे तेल तुमच्या केसांना पोषण देण्यास मदत करते. तसेच या बियांचे तेल केसांना रेशमी आणि चमकदार देखील बनवते. चला तर मग जाणून घेऊया की ते केसांसाठी कसे फायदेशीर आहे.

भोपळ्याच्या बियांचे तेल

भोपळ्याच्या बियांचे तेल भोपळ्याच्या वाळलेल्या आणि सोललेल्या बियाण्यांपासून काढले जाते. हे तेल आरोग्यदायी, सुगंधी आणि गडद हिरव्या रंगाचे आहे. जे केसांसाठी खूप फायदेशीर आहे कारण त्यात व्हिटॅमिन ई, झिंक, ओमेगा-३ आणि ओमेगा-६ फॅटी ॲसिड, पॉलीफेनॉल, फायटोस्टेरॉल आणि अँटिऑक्सिडंट्स सारख्या पोषक घटकांचा समावेश आहे.

घरी भोपळ्याच्या बियांचे तेल कसे बनवायचे

घरी भोपळ्याच्या बियांचे तेल काढण्यासाठी, प्रथम भोपळ्याच्या बिया धुवा जेणेकरून त्यामध्ये लगदा किंवा घाण राहणार नाही. नंतर त्यांना 1-2 दिवस उन्हात वाळवा. सुक्या बिया मिक्सरमध्ये टाकून पेस्ट होईपर्यंत हळूहळू बारीक करा. आता ही पेस्ट एका स्वच्छ सुती कापडात टाकून आणि चांगली पिळून घ्या. हळूहळू त्यातून तेल निघायला लागेल, ते एका भांड्यात काढा. हे तेल गाळून काचेच्या बाटलीत भरा. या पद्धतीचा अवलंब करून तुम्ही घरी भोपळ्याच्या बियांचे तेल बनवू शकता.

भोपळ्याच्या बियांचे तेल केसांसाठी फायदेशीर आहे

केसांच्या वाढीस मदत करते

भोपळ्याच्या बियांच्या तेलात अँटीऑक्सिडंट्स आणि झिंकसारखे अनेक पोषक घटक असतात जे केसांच्या वाढीस मदत करतात. हे तेल केसांना लावल्याने आणि मालिश केल्याने केस गळणे कमी होते आणि केस मुळांपासून मजबूत होण्यास मदत होते. तुम्ही आठवड्यातून 2 ते 3 वेळा हे तेल वापरू शकता.

केसांना मॉइश्चरायझ करते

भोपळ्याच्या बियांचे तेल केसांसाठी खूप फायदेशीर आहे. जर तुमचे केस कोरडे आणि कुरळे राहिले तर तुमच्या केसांना भोपळ्याच्या बियांचे तेल लावावे, यामुळे तुमचे केस मऊ आणि गुळगुळीत होतात.

केसांना चमकदार बनवते

भोपळ्याच्या बियांचे तेल केसांना चमकदार बनवण्यास मदत करते कारण त्यात लिनोलिक ॲसिड आणि ओमेगा-6 फॅटी ॲसिडचे प्रमाण जास्त असते जे केसांना रेशमी आणि चमकदार बनवण्यास मदत करते.

केस मजबूत बनवते

भोपळ्याच्या बियांचे तेल केसांना मजबूत करण्यास मदत करणारे जीवनसत्त्वे, अँटिऑक्सिडंट्स सारख्या पोषक तत्वांनी समृद्ध असते. त्यात बायोटिन असते जे एक बी व्हिटॅमिन असते जे केस गळतीच्या समस्येपासून मुक्त होण्यास मदत करते.

केस गळतीपासून आराम मिळतो

भोपळ्याच्या बियांमध्ये असलेले अँटीऑक्सिडंट्स, मॅंगनीज, झिंक आणि ट्रिप्टोफॅन केस गळती रोखतात आणि ते निरोगी बनवण्यास मदत करतात. भोपळ्याच्या बियांचे तेल केस लांब आणि जाड करण्यासाठी उपयुक्त आहे.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)