बजेटमध्ये परदेशी सफर! भारतातून या 10 देशांमध्ये फिरणे आहे अत्यंत स्वस्त

विदेशात फिरायला जाण्याचं स्वप्न बाळगणं म्हणजे केवळ श्रीमंतांचाच विषय असं अनेकांना वाटतं. पण खरं सांगायचं झालं, तर योग्य माहिती आणि नियोजन असलं, तर भारतातून परदेशात फिरायला जाणं अजिबात महागडं नाही. विशेषतः काही देश असे आहेत, जिथे तुम्ही अगदी कमी खर्चात सुंदर निसर्ग, ऐतिहासिक वास्तू, शांतता आणि वेगळी संस्कृती अनुभवू शकता. फ्लाइट्स, हॉटेल्स, जेवण, शॉपिंग हे सगळं इतकं किफायतशीर आहे की तुम्हाला वाटेल, ‘हे आधीच का नाही केलं?’ चला तर, जाणून घेऊया अशाच 10 देशांबद्दल, जिथे भारतातून बजेटमध्ये देखणी परदेश सफर शक्य आहे.

1. नेपाळ

नेपाळ हा भारताचा शेजारी देश असून, भारतीयांसाठी वीजा लागतोच नाही. काठमांडू, पोखरा, आणि हिमालयाच्या कुशीतली गावं ही नेपाळची खासियत. येथील शांत वातावरण, बुद्ध मंदिरं आणि पर्वतीय सौंदर्य पाहण्यासाठी 20,000 ते 50,000 रुपयांमध्ये सहज ट्रिप करता येते.

2. भूतान

भूतान हा देश शांतता, अध्यात्म आणि निसर्गसौंदर्याचा संगम आहे. येथे प्रवेश प्रक्रियाही खूप सोपी आहे आणि वीजा लागत नाही. जर तुम्ही 30,000 ते 60,000 रुपये बजेट ठेवलेत, तर भूतानमधील पर्वतरांगा, मठं आणि लोकसंस्कृती तुमचं मन जिंकून घेतील.

3. श्रीलंका

भारताच्या अगदी जवळ असलेला हा देश पर्यटनाच्या दृष्टीने फारच महत्त्वाचा आहे. चहा बागा, ऐतिहासिक मंदिरं, समुद्रकिनारे आणि सागरमाथा येथे पाहायला मिळतात. 7 दिवसांच्या ट्रिपसाठी 60,000 ते 70,000 रुपये खर्च येतो.

4. इंडोनेशिया (बाली)

बाली हे हनीमून कपल्ससाठी स्वर्गसमान ठिकाण आहे. सुंदर रिसॉर्ट्स, समुद्रकिनारे, नाईटलाइफ यामुळे ते पर्यटकांचं आवडतं डेस्टिनेशन बनलं आहे. भारतातून बाली ट्रिपसाठी 50,000 ते 1 लाखापर्यंत खर्च येतो.

5. थायलंड

बँकॉक, पटाया आणि फुकेट या ठिकाणी नाईटलाइफ, थाई मसाज, स्ट्रीट फूड आणि शॉपिंगचा आनंद घेता येतो. वीजा ऑन अरायव्हल सुविधा असलेल्या या देशात 60,000 ते 90,000 रुपयांत संपूर्ण टूर शक्य होते.

6. मलेशिया

मलेशिया हे ठिकाण भारतीय प्रवाशांसाठी खूप किफायतशीर आहे. येथे निसर्ग सौंदर्य, विविध संस्कृती आणि आधुनिक जीवनशैलीचा मिलाफ आहे. संपूर्ण ट्रिपसाठी 40,000 ते 70,000 रुपये पुरेसे आहेत.

7. व्हिएतनाम

व्हिएतनाम हे सध्या पर्यटकांमध्ये खूप लोकप्रिय ठरत आहे. येथे स्ट्रीट फूड, सुंदर खेडी, आणि बजेटमध्ये राहण्याची सोय आहे. ट्रिपसाठी 45,000 ते 90,000 रुपये लागतात.

8. कंबोडिया

कंबोडियामध्ये भारतीय रुपयाची चांगली किंमत आहे. येथे अंकोरवाटसारखी जागतिक प्रसिद्ध वास्तू आहे. जेवण, राहणं, फिरणं अत्यंत स्वस्त आहे. एकूण खर्च 50,000 ते 70,000 रुपयांपर्यंत होतो.

9. लाओस

जर तुम्हाला शांत, हिरवळीत हरवलेलं पर्यटन हवं असेल, तर लाओस हा देश उत्तम आहे. ट्रेकिंग, नद्या, धबधबे आणि बौद्ध संस्कृती पाहण्यासाठी 60,000 ते 90,000 पर्यंतचा खर्च अपेक्षित आहे.

10. तुर्की

तुर्कीमध्ये वास्तुकला, विविध संस्कृती आणि स्वादिष्ट खाद्यसंस्कृती यांचा मिलाफ आहे. काही भाग महाग असले तरी चांगलं नियोजन केल्यास 75,000 ते 1,00,000 रुपयांमध्ये तुम्ही एक परिपूर्ण टूर करू शकता.