Maharashtra News LIVE : गॅस सिलिंडरची आज काय स्थिती, जाणून घ्या महाराष्ट्रातील अपडेट्स

मध्य पूर्वेत इराण-इस्रायल-अमेरिकेत सुरु असलेल्या युद्धाचे आता भारतात सर्वसामान्यांना परिणाम जाणवू लागले आहेत. इराणने स्ट्रेट ऑफ होर्मुज बंद केल्याने परिणामी कच्चं तेल आणि LPG ची या समुद्री मार्गावरुन होणारी वाहतूक जवळपास बंद आहे. स्ट्रेट ऑफ होर्मुज इराणच्या ताब्यात आहे. भारतात अजून पेट्रोल-डिझेलची समस्या निर्माण झालेली नाही. पण एलपीजी गॅसचा तुटवडा जाणवू लागला आहे. महाराष्ट्रात ठिकठिकाणी गॅस वितरकाच्या ऑफिसबाहेर रांगा लागल्याचं चित्र आहे. एलपीजी संपला तर काय हा लोकांसमोर प्रश्न आहे. लोक तासनतास गॅससाठी रांगते उभे आहेत. हॉटेल व्यावसायिकांची सुद्धा तीच स्थिती आहे. काही खाद्य पदार्थ हॉटेलच्या मेन्यूमधून गायब झालेत, तर काही हॉटेल्सच बंद आहेत. एलपीजीच्या कमतरतेमुळे जी स्थिती निर्माण झालीय, त्याचे सर्व अपडेट्स आमच्या ब्लॉगच्या माध्यमातून जाणून घ्या.