सडपातळ असल्याने मुलं नकार देतात? मग वजन वाढवण्यासाठी वापरा ‘या’ टिप्स

Weight Gain : तुम्ही सडपातळ आहात का? दुबळेपणामुळे मुलं नकार कळवतात का? लग्नापूर्वी तुम्हाला वजन वाढवण्याचं टेन्शन आलंय का? मग चिंता करू नका. सगळं टेन्शन सोडून द्या. आम्ही सांगितलेल्या टिप्स फक्त फॉलो करा आणि वजन वाढवा. मुलं नकार देणार नाहीतच उलट राजासारखा नवरा मिळेल.

अनेकांना लग्नासाठी आपल्या वजनाची चिंता सतावत असते. काही लोकांना लग्नासाठी वजन कमी करायचं असतं, तर काही लोकांना आपलं वजन वाढवायचं असतं. तसं तर प्रत्येकाच्या आपापल्या इच्छा असतात. मात्र, लग्नाआधी मोठ्या प्रमाणात पातळ लोक वजन वाढवण्यासाठी प्रयत्न करताना दिसतात.

वजन सहज कसे वाढवावे?

पातळ लोकांवर कपडे नीट बसत नाही. त्यामुळे वजन वाढवण्याशिवाय त्यांच्याकडे पर्याय नसतो. जर तुम्हीही काही दिवसात लग्न करणार असाल आणि तुम्हीही तुमच्या पातळपणामुळे त्रस्त असाल तर हा लेख तुमच्यासाठी आहे. या लेखात आम्ही तुम्हाला काही दिवसातच वजन कसे वाढवावे, याविषयी सांगणार आहोत.

वजन वाढवण्यासाठी संतुलित आहार घ्या

तुम्हालाही लग्नापूर्वी वजन वाढवायचे असेल तर आधी तुम्ही तुमच्या डाएटकडे लक्ष द्यायला सुरुवात केली पाहिजे. आजपासून संतुलित आहार घ्या. आपल्या अन्नात कॅलरी आणि प्रथिनांचे प्रमाण वाढवा. कार्बोहायड्रेटमध्ये तांदूळ, बटाटे, ब्रेड, ओट्स घेऊ शकता. त्याचबरोबर प्रथिनांसाठी दूध, दही, चीज, अंडी, चिकन, डाळ आदींचा आहारात समावेश करू शकता.

वजन वाढीसाठी दिवसातून किती वेळा खावे?

वजन वाढीसाठी सर्वात महत्वाची गोष्ट म्हणजे दोनपेक्षा जास्त वेळा अन्न खाणे. आपण दिवसातून 5-6 वेळा कमी-कमी खातो. नाश्ता, दुपारचे जेवण आणि रात्रीच्या जेवणादरम्यान आपण निरोगी स्नॅक्स घेऊ शकता.

वजन वाढवण्यासाठी किती झोप घ्यावी?

ज्यांचे वजन वाढते त्यांच्यासाठी सर्वात महत्वाची गोष्ट म्हणजे वेळेवर झोपणे. मात्र, किती वेळ झोपावे, पण किती वेळ झोपणे योग्य आहे, याबद्दलही लोक खूप संभ्रमात आहेत. अशा वेळी दररोज 7-8 तासांची झोप घेणे चांगले. रात्री पुरेशी झोप घेतल्याने ताण येत नाही.

एक लक्षात घ्या की, कोणतीही गोष्ट एकदम होत नाही. तुम्ही काही दिवसात लगेच वजन वाढवायचा प्लॅन केला तर ते शक्य होणार नाही. कारण, शरीराला देखील सगळ्या गोष्टी कळायला वेळ लागतो. त्यामुळे लगेच तुमच्या रोजच्या जेवणात बदल करू नका. अशा वेळी तज्ज्ञांचा सल्ला घेऊन योग्य आहार ठरवून घ्या आणि त्याप्रमाणे पालन करा.

(डिस्क्लेमर: या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)