Jalna Murder : जालन्यात तरुण ट्रक चालकाची दगडाने डोकं ठेचून हत्या

जालना : जालन्यातील भोकरदनमधून दोन दिवसांपासून बेपत्ता असलेल्या 23 वर्षाच्या ट्रक चालका (Truck Driver)ची दगडाने डोकं ठेचून हत्या (Murder) करण्यात आली आहे. भोकरदन-जालना रोडवरील सोयगाव देवी फाट्यावर ही घटना घडली. भगवान तळेकर असं हत्या करण्यात आलेल्या ट्रक चालकाचं नाव आहे. गेल्या दोन दिवसांपासून भगवान बेपत्ता होता. तळेकर याची हत्या कुणी आणि का केली ? याबाबत अद्याप माहिती मिळू शकली नाही. याप्रकरणी भोकरदन पोलिस ठाण्यात अज्ञात आरोपीविरोधात हत्येचा गुन्हा दाखल करण्यात आला आहे. याप्रकरणी पोलिस अधिक तपास करीत आहेत. (Young truck driver killed in Jalna for unknown reasons)

हत्या करुन मृतदेह जाळण्याचा प्रयत्न

भगवान तळेकर हा दोन दिवसांपासून भोकरदन येथून बेपत्ता होता. दोन दिवस पोलिस त्याचा शोध घेत होते. मात्र आज भोकरदन-जालना रोडवरील सोयगाव देवी फाट्यावर त्याचा मृतदेह सापडला. अज्ञात मारेकऱ्यांनी आधी दगडाने डोकं ठेचून त्याची हत्या केली. त्यानंतर वाळलेल्या कपाशीच्या पऱ्हाट्यामध्ये मृतदेह जाळून टाकण्याचा प्रयत्न केल्याचे निष्पन्न झाले आहे. या घटनेची माहिती मिळताच पोलिसांनी घटनास्थळी धाव घेऊन पंचनामा केला. या हत्येप्रकरणी भोकरदन पोलीस ठाण्यात अज्ञात आरोपीविरोधात हत्येचा गुन्हा दाखल करण्यात आला आहे.

यवतमाळमध्ये नाचण्याच्या वादातून तरुणांचा चाकूने भोसकून खून

नाचण्याच्या कारणावरुन झालेल्या वादातून एका तरुणाची हत्या झाल्याची धक्कादायक घटना शुक्रवारी रात्री यवतमाळमधील गणपती मंदिर चौकात घडली आहे. स्पीकरवर गाणे लावून नाचत असताना चंदन सोयाम, संदीप पेंदोर अन इतर तरुणांसोबत अतिषचा वाद झाला. या वादाचे हाणामारीत पर्यावसन झाले. यावेळी अतिषवर चाकूने वार करण्यात आले. जखमी अतिषला रुग्णालयात उपचारासाठी दाखल करण्यात आले. मात्र उपचारादरम्यान आज सकाळी त्याचा मृत्यू झाला. (Young truck driver killed in Jalna for unknown reasons)

इतर बातम्या

ड्रग्स बाळगल्याप्रकरणी 4 वर्ष मुंबईच्या तुरुंगात खितपत पडलेला टेबल टेनिसपटू निर्दोष, न्यायालयाकडून सुटकेचे आदेश

Gondia Accident : गोंदियात दोन अनियंत्रित दुचाकीची समोरासमोर भीषण धडक, अपघातात एकचा मृत्यू तर तीन गंभीर जखमी