प्रकाश आंबेडकर यांच्याबद्दल अपशब्द, जगदीश गायकवाड यांचा पोलिसांवर गाडी घालण्याचा प्रयत्न, अटकेनंतर रुग्णालयात

नवी मुंबई : पनवेलचे माजी उपमहापौर जगदीश गायकवाड यांना मेडिकल चेकअपसाठी कळंबोली येथील एमजीएम रुग्णालयात नेण्यात आलंय. गायकवाड यांच्या छातीत दुखत असल्यामुळे त्यांना रुग्णालयात नेण्यात आलंय. त्यांना कर्जत कोर्टात हजर केलं असता तीन दिवसांची पोलीस कोठडी सुनावलीय. पण त्यानंतर त्यांची प्रकृती बिघडल्याने त्यांना रुग्णालयात नेण्यात आलंय.

जगदीश गायकवाड यांच्याविरुद्ध राज्यभरात विविध पोलीस ठाण्यांमध्ये गुन्हे दाखल करण्यात आले आहेत. त्यामुळे जगदीश गायकवाड यांच्या अडचणी वाढण्याची शक्यता आहे.

जगदीश गायकवाड यांची एक ऑडिओ क्लिप व्हायरल होतेय. त्यामध्ये त्यांनी वंचित बहुजन आघाडीचे अध्यक्ष प्रकाश आंबेडकर यांच्याबद्दल अपशब्द वापरल्याचं स्पष्ट झालंय. त्यांच्या या व्हायरल क्लिपमुळे त्यांची रिपब्लिकन पार्ट ऑफ इंडिया (आठवले) या पक्षातून हकालपट्टी करण्यात आलीय. विशेष म्हणजे ते पक्षाचे रायगड जिल्हाध्यक्ष होते.

हे सुद्धा वाचा

BREAKING : नितेश राणे, रवी राणा, बच्चू कडू यांना मंत्रीपद मिळणार? मंत्रिमंडळ विस्ताराबद्दल सर्वात मोठी बातमी

‘शिवप्रताप दिनाच्या सोहळ्यासाठी मुख्यमंत्र्यांनी फोन केला नाही’, उदयनराजे यांनी स्पष्टच सांगितलं, नेमकं काय म्हणाले?

‘हतबल झालेलो नाही, आम्ही हातात बांगड्या घातलेल्या नाहीत’, उदयनराजे संतापले

जगदीश गायकवाड यांनी आज पनवेल कोर्टाबाहेर कर्जत पोलिसांवर गाडी घालण्याचा देखील प्रयत्न केल्याचा आरोप करण्यात आलाय. कर्जत पोलीस त्यांना ताब्यात घ्यायला गेले असता त्यांनी त्यांच्यावर हल्ल्याचा प्रयत्न केल्याची आरोप आहे.