Rohit Pawar on Plane Crash: विमानाचा घातपात? अपघातामागे विम्याचं कारण? रोहित पवारांना ती मोठी शंका

Rohit Pawar on Plane Crash for Insurance: शरद पवार राष्ट्रवादीचे आमदार रोहित पवार यांनी अजितदादांच्या अपघातप्रकरणी पुन्हा एकदा पत्रकार परिषद घेतली. ही विमान दुर्घटना अपघात आहे की घातपात यावर त्यांनी पुराव्यासह बाजू मांडली. त्यात VSR कंपनीच्या एकूणच कारभारावर आणि तिला वाचवणारे स्टेकहोल्डरवर त्यांनी सडकून टीका केली. त्याचवेळी हे धागेदोरे कुठपर्यंत पोहचले आहेत, याचे विश्लेषण त्यांनी आजच्या पत्रपरिषदेतून केली. त्यांनी आजही प्रेझेंन्टेशन दिले. विमान मुद्दामहून पाडलं असा खळबळजनक दावा त्यांचा आहे. विमा आणि विमानाच्या अखेरीस भरून ठेवलेले पेट्रोलच्या टँक यावरून त्यांनी हा घातपात असल्याचा अंगुली निर्देश केला. रोहित पवार हे तपास यंत्रणांच्या संथ कारभारावर ताशेरे ओढत आहेत. तर प्रक्रियेवरही प्रश्नचिन्ह उपस्थित करत आहेत. काय आहे त्यांचा दावा?

प्रकरणाचा घातपाताच्या दिशेने प्रवास

तपास यंत्रणां त्यांचं काम करतच आहेत. पण त्यांचे काम संथगतीने सुरू आहे. सीआयडी तपास करत आहे, तर तिचा अहवाल कुठे आहे, असा सवाल रोहित पवारांनी केला. त्यांनी तपास यंत्रणा या दबावाखाली तर काम करत नाहीत ना असा सवाल केला. सर्वसामान्यांनी हा घातपात आहे की अपघात यावर बोलण्यास सुरुवात केली. हा विषय लावून धरला. ते बोलत होते. आता राजकीय व्यक्तीही त्यावर बोलत आहेत. पत्र लिहित आहेत. त्यामुळे तपास यंत्रणा जाग्या झाल्या आहेत. आता हे प्रकरण अपघाताकडून घातपाताकडं चाललं आहे असे रोहित पवार म्हणाले.

नवीन व्हिडिओच्या माध्यमातून मोठा दावा

काल परवा अजितदादांच्या विमान अपघाताचा एक नवीन व्हिडिओ समोर आला. त्यात विमान अपघातानंतर स्फोट झाल्याचे दिसते. यापूर्वीच रोहित पवार यांनी विमानात अधिक इंधनाचा साठा असल्याबाबात दावा केला होता. विमानाच्या मागील बाजूस अधिकचे फ्युअल पिंपात, प्लास्टिक टँकमध्ये ठेवण्यात आल्याची जी शंका होती ती बळावत असल्याचे रोहित पवार म्हणाले. तर ब्लॅक बॉक्सचं नुकसान झाल्याच्या वृत्ताबाबत त्यांनी या सर्व गोष्टींकडे घातापाताच्या बाजूने पाहता येईल असं वक्तव्य केलं.

अपघातामागे विम्याचं कारण?

या अपघातामागे विम्याचं कारण असल्याकडे त्यांनी लक्ष वेधले. VSR च्या विमानाची किंमत ३५ कोटी आहे. पण त्याची क्वॉलिटी पाहिली तर ते फक्त १० ते १५ कोटीला विकल्या जाऊ शकलं असतं. १० कोटीच्यावर हे विमान गेलं नसतं असं काही लोकांनी सांगितलं. ५५ कोटी रुपयांचा विमा होता. लाएबिलीटी विमान होती २१० कोटी. त्यात पायलटही आले. पाचही जण आले. मेन पायलटला किती रुपये मिळणार हा सर्वात मोठा प्रश्न आहे. ही गोष्ट पायलटला माहीत होती का याचं स्पष्टीकरण मिळायला हवं, असे वक्तव्य रोहित पवार यांनी केले.

अकाऊंटेबल मॅनेजरचं नाव साईटवरून डीलिट केलं. त्याचा इंटरव्ह्यू डीजीसीने घेतला. ही माणसं कुठे आहे. त्यांची चौकशी केली का. डीजीसीएने काल जी नोटीस दिली त्यात सीसी अकाऊंटेबल मॅनेजर लिहिलं. पण तो कुठे आहे. जेट चालवत असाल तर लेगसीचं विमान चालवता येत नाही. पण पायलट कपूर हे दोन्ही विमान चालवत होता. नियमानुसार ते चुकीचं आहे. डीजीसीला सांगायचं की कागदं रंगवू नका. कागदाच फरक दिसला तर योग्य ठरणार नाही, असा इशाराही रोहित पवारांनी दिला.