तरुण कोरोनाग्रस्तासाठी रुग्णालयातील बेड सोडला, नागपुरातील 85 वर्षीय वृद्धाचे तीन दिवसांनी निधन
नागपुरात राहणाऱ्या 85 वर्षीय नारायण दाभाडकर यांना काही दिवसांपूर्वी कोरोना संसर्ग झाला होता. (Nagpur Narayan Dabhadkar Hospital Bed)
नागपूर : तरुण कोरोनाग्रस्ताला बेड मिळावा, यासाठी नागपुरातील 85 वर्षीय वृद्धाने आपला बेड सोडला. आयुष्याचा उपभोग घेऊन झाला, तरुणाचे प्राण वाचवणे हे माझे कर्तव्य आहे, असं म्हणत नारायण भाऊराव दाभाडकर (Narayan Rao Dabhadkar) यांनी रुग्णालयातील बेड सोडला. मात्र दोनच दिवसात दाभाडकरांचा मृत्यू झाला. या घटनेबद्दल सर्वत्र हळहळ व्यक्त केली जात आहे. (Nagpur 85 years old Narayan Rao Dabhadkar gave up Hospital Bed for Corona Patient Dies after 3 days)
नागपुरात राहणाऱ्या 85 वर्षीय नारायण दाभाडकर यांना काही दिवसांपूर्वी कोरोना संसर्ग झाला होता. त्यांची ऑक्सिजन लेव्हल 60 पर्यंत पोहोचली होती. मुलगी आणि जावयाने तिला इंदिरा गांधी शासकीय रुग्णालयात दाखल केलं. बऱ्याच वेळानंतर त्यांना बेड मिळाला. त्याचवेळी एक महिला आपल्या 40 वर्षीय पतीला वाचवण्यासाठी बेड शोधत असल्याचं त्यांना समजलं. मात्र बेडअभावी रुग्णालयाने त्यांना दाखल करण्यास असमर्थता दर्शवली. रडणाऱ्या महिलेला पाहून दाभाडकरांना पाझर फुटला.
बेड स्वेच्छेने सोडत असल्याचं पत्र
“मी 85 वर्षांचा झालोय, आयुष्याचा भरभरुन उपभोग घेतला, जर त्या महिलेच्या पतीचे निधन झाले, तर तिची मुलं अनाथ होतील. त्यामुळे त्या व्यक्तीचे प्राण वाचवणे हे माझे कर्तव्य आहे” अशा भावना दाभाडकरांनी व्यक्त केल्या. मी माझा बेड स्वेच्छेने दुसऱ्या रुग्णासाठी सोडत आहे, असे पत्र त्यांनी रुग्णालय प्रशासनाला दिले. दाभाडकर घरी परतले, मात्र तीनच दिवसात राहत्या घरी त्यांची प्राणज्योत मालवली.
शिवराजसिंह चौहानांकडून कौतुक
नारायण दाभाडकर हे आरएसएसचे स्वयंसेवक होते. मध्य प्रदेशचे मुख्यमंत्री शिवराज सिंह चौहान यांनीही त्यांच्या त्यागाचं कौतुक करत मानवंदना दिली आहे.
“मैं 85 वर्ष का हो चुका हूँ, जीवन देख लिया है, लेकिन अगर उस स्त्री का पति मर गया तो बच्चे अनाथ हो जायेंगे, इसलिए मेरा कर्तव्य है कि मैं उस व्यक्ति के प्राण बचाऊं।” ऐसा कह कर कोरोना पीडित @RSSorg के स्वयंसेवक श्री नारायण जी ने अपना बेड उस मरीज़ को दे दिया। pic.twitter.com/gxmmcGtBiE
— Shivraj Singh Chouhan (@ChouhanShivraj) April 27, 2021
संबंधित बातम्या :
शेवटचे गुड मॉर्निंग, कोरोनाने निधनापूर्वी मुंबईतील महिला डॉक्टरची फेसबुक पोस्ट
पंकजा मुंडेंच्या अंगरक्षक भावाचं कोरोनानं निधन, ट्विट करत माहिती
(Nagpur 85 years old Narayan Rao Dabhadkar gave up Hospital Bed for Corona Patient Dies after 3 days)
