Damini squad | खबरदार! महिला, मुलींवर वाईट नजर टाकालं तर… दंडुका घेऊन नागपुरात दामिनी पथक सज्ज
महिलांच्या संरक्षणासाठी दामिनी पथक कार्यरत आहे. वर्षभरात दामिनी पथकाने 124 जणांची मदत केली आहे. त्यामुळं या दामिनी पथकाकडे मोठ्या अपेक्षेने पाहिले जाते.
नागपूर : आत्महत्तेपासून परावृत्त करणे. छेडछाड तक्रारीत मदत करणे. वयोवृद्धांना सहकार्य करणे हे दामिनी पथकाचं काम आहे. याशिवाय मनोरुग्ण महिलांना मदत केली जाते. जनजागृती केली जाते. दर्शन कार्यक्रमात मार्ग दाखविला जातो. अशाप्रकारे नागपुरात दामिनी पथकाने वर्षभरात 124 जणांची मदत केली आहे. मुली, महिलांना संरक्षण देण्यासाठी पोलीस आयुक्त कार्यालयाअंतर्गत हे पथक कार्यरत आहे. महिला किंवा मुलींना फोन करताच दामिनी पथक घटनास्थळी जाऊन त्यांना मदत करते. प्रसंगी दंडुका दाखवून छेडखानी करणाऱ्यांची धुलाई केली जाते.
शाळा, कॉलेज रोड रोमियोंचे टार्गेट
शाळा, कॉलेज सुटल्यानंतर रोड रोमियो मुलींना टार्गेट करतात. शाळेच्या गेटसमोर उभे राहतात. अशावेळी मुख्याध्यापकांनी दामिनी पथकास कळविल्यास दामिनी पथक तिथं येते. रोड रोमियोंवर नजर ठेवते. मुलींवर वाईट नजर ठेवली, तर दंडुकांचा मार देते. पण, अनेक महिला बदनामीच्या भीतीने तक्रार देत नाहीत. गेल्या तीन वर्षांत फक्त छेडछानीच्या तीनच तक्रार दामिनी पथकाला मिळाल्या आहेत.
महिलांनी हेल्पलाईनवर तक्रार करावे
महिलांनी अन्यायाबाबत थेट दामिनी पथकाकडे तक्रार करावी, असे आवाहन नागपूर शहर दामिनी पथकाच्या पोलीस निरीक्षक सीमा धुर्वे यांनी केले आहे. महिलांना 1091 या हेल्पलाईन क्रमांकावर संपर्क साधावा, असेही त्यांनी कळविले आहे. महिलांनी त्वरित मदतीचे आश्वासनी धुर्वे यांनी दिले आहे. काही महिला तक्रार करण्यास टाळाटाळ करतात. त्यामुळं छेडखानी करणाऱ्यांची हिंमत आणखी बळावते.
NMC Election | नागपूर भाजपात कोण करतंय गुलाम बनविण्याचा प्रयत्न; अविनाश ठाकरे यांच्या पोस्टने खळबळ, पोस्ट नेमकी काय?
Gondia ZP Election | प्रफुल्ल पटेलांच्या जिल्ह्यात भाजपचे वर्चस्व; काँग्रेसच्या नाना पटोले यांनाही धक्का!
Bhandara ZP Election | भंडाऱ्यात 21 जागांसह काँग्रेस मोठा पक्ष, सत्तेच्या समीकरणासाठी काय करावं लागणार?
