VIDEO : फाडफाड इंग्रजी बोलतो, डोक्यावर बॉटल आणि उलटी चाल, नागपुरात व्हायरल भिकाऱ्याची जोरदार चर्चा

नागपुरात उलटं चालणाऱ्या एका भिकाऱ्याची सध्या जोरात चर्चा आहे. हा भिकारी डोक्यावर बॉटल ठेऊन उलटा चालतो, फाडफाड इंग्रजी बोलतो आणि भर रस्त्यात एका पायावर उभा राहून योगा करतो. नागपूर शहरात या अनोख्या भिकाऱ्याची सध्या जोरात चर्चा आहे.

VIDEO : फाडफाड इंग्रजी बोलतो, डोक्यावर बॉटल आणि उलटी चाल, नागपुरात व्हायरल भिकाऱ्याची जोरदार चर्चा


नागपूर : नागपुरात उलटं चालणाऱ्या एका भिकाऱ्याची सध्या जोरात चर्चा आहे. हा भिकारी डोक्यावर बॉटल ठेऊन उलटा चालतो, फाडफाड इंग्रजी बोलतो आणि भर रस्त्यात एका पायावर उभा राहून योगा करतो. नागपूर शहरात या अनोख्या भिकाऱ्याची सध्या जोरात चर्चा आहे. रस्त्यावर ये जा करणारे लोक क्षणभर थांबतात आणि या उलटा चालणाऱ्या आणि फाडफाड इंग्रजी बोलणाऱ्या भिकाऱ्याकडे बघतात. हा व्हायरल भिकारी सध्या नागपूरकरांच्या कुतुहलाचा विषय ठरतोय. पाहूया एका एनोख्या व्हायरल भिकाऱ्यावर ‘टीव्ही 9 मराठी’चा हा स्पेशल रिपोर्ट.

“फाडफाड इंग्रजी बोलतो, डोक्यावर बॉटल आणि उलटी चाल”

अंगावर लाल रंगाचं फाटलेलं टी शर्ट… निळ्या रंगाची पॅट… डोक्यावर बॉटल, त्यावर ग्लास… आणि उलटी चाल…. हाच आहे नागपुरात सध्या चर्चेचा विषय ठरलेला व्हायरल भिकारी. राहूल प्रभुदा पेटकर असं नाव सांगणारा हा भिकारी, नागपूरातील रस्त्यांवर उलटा चालतो. जिथं वाहनांची वर्दळ असलेल्या रस्त्यांवर सरळ चालताना अपघाताची किंवा कुणी येऊन धडकण्याची भिती असते, तिथे हा भिकारी निडर होऊन आणि तेवढ्याच वेगानं उलटा चालतो. जेवढ्या वेगानं हा भिकारी उलटा चालतो, तेवढीच फाडफाड तो इंग्रजीही बोलतो.

“रहने को घर नाही, सोने को बिस्तर नही, अपना खुदा है उपरवाला अबतक उसीने पाला”

उलटा चालत असल्याने हा भिकारी नागपुरात सध्या वेगानं व्हायरल होतोय. यासोबतच तो भररस्त्यात योगा करतो. उलटं चालणे ही स्मरणशक्ती वाढवण्यासाठी बेस्ट प्रॅक्टीस असल्याचं हा भिकारी सांगतो. “रहने को घर नाही, सोने को बिस्तर नही, अपना खुदा है उपरवाला अबतक उसीने पाला” असं म्हणत 5 रुपये मागून हा भिकारी दोन वेळच्या जेवणाची सोय करतो. उलटा चालण्याचा प्रवास जिथे संपला तिथेच मुक्काम, आणि दुसऱ्या दिवशी त्याच ठिकाणहून त्याचा उलटं चालण्याचा प्रवास सुरु होतो.

भिकारी महिलेच्या झोपडीत 10 महागडे मोबाईल, पोलीसही अवाक

दरम्यान, दररोज भीक मागून गुजराण करणाऱ्या भिकाऱ्यांबाबत त्यांच्याकडे मोठ्या प्रमाणात पैसे आढळल्याचं तुम्ही अनेकदा ऐकलं असेल. मात्र, वसई-विरारमध्ये एका भिकारी महिलेकडे तब्बल 10 ब्रँडेड कंपनीचे महागडे फोन आढळले आहेत. त्यामुळे सामान्य नागरिकांसह कारवाई करणारे पोलीसही अवाक झाले आहेत. आरोपी भिकारी महिलेच्या अगदी साध्या झोपडीत हे फोन आढळले आहेत. विरार पोलिसांनी या महिलेवर कारवाई केली.

विरारमध्ये भिकारी महिलेच्या झोपडीत चक्क विविध ब्रँडेड कंपनीचे 10 महागडे मोबाईल फोन सापडले आहेत. यामुळेच एकच खळबळ उडाली आहे. विरार पोलिसांना याबाबत गुप्त माहिती मिळाली होती. यानंतर पोलिसांनी भिकारी महिलेची झडती घेतली. यावेळी या महिलेकडील महागड्या मोबाईलचं घबाडच पोलिसांच्या हाताला लागलं आहे. विनोदबाई आजागृ सोलंकी असं या भिकारी महिलेचं नाव आहे. या 40 वर्षांच्या भिकारी महिलेकडे इतके मोबाईल आढळल्याने चर्चेला उधाण आलं आहे.

संबंधित व्हिडीओ पाहा :

हेही वाचा :

परळी वैद्यनाथ मंदिराबाहेरील भिकाऱ्याला पोलिसात देवाचे दर्शन, चोरीचे पावणेदोन लाख तासांत सापडले

Photo : PSI भिकारी कसा झाला? अंगावर काटा आणणारी कहाणी

भिकारी महिलेच्या झोपडीत 10 महागडे मोबाईल, पोलीसही अवाक

Nagpur Beggar who speak in English and walk in reverse manner become viral

Read Full Article

Click on your DTH Provider to Add TV9 MARATHI