उन्हाळ्यात नागपूरकरांचा प्रवास गारेगार होणार; कसा तो देवेंद्र फडणवीस यांनी सांगितलं

नागपूर : महानगरपालिकेच्या बस ताफ्यात आता 40 इलेक्ट्रिक बस दाखल झाल्यात. या बसचे लोकार्पण उपमुख्यमंत्री देवेंद्र फडणवीस आणि केंद्रीय मंत्री नितीन गडकरी यांच्या हस्ते करण्यात आलं. नागपूरच्या ताफ्यामध्ये आणखी काही बस सहभागी होतील, असे आश्वासन उपमुख्यमंत्री देवेंद्र फडणवीस यांनी दिलं. यामुळे नागपूरकरांची प्रवास गारेगार होणार आहे. बसच्या लोकार्पण समारंभ प्रसंगी बोलताना उपमुख्यमंत्री म्हणाले, सुंदर इलेक्ट्रिक बसचं उद्घाटन आता होते आहे. आज आम्ही मेट्रोची राईड केली. त्याचप्रमाणे आता नागपूरच्या इलेक्ट्रिक बसमध्ये राईड करणार आहोत.

२५० इलेक्ट्रिक बस देणार

फडणवीस म्हणाले, इलेक्ट्रिक बस सगळ्यात जास्त पीएमपीएलमध्ये आहे. मात्र आता तुम्हाला मी 250 इलेक्ट्रिक बस देणार. मात्र त्यासाठी बस स्टॉप चांगले करा. बस किती वेळात येणार हे जनतेला कळलं तर लोक या बस आणि मेट्रोने प्रवास करतील. एसी बसेस येणार असल्याने नागपूरकरांचा प्रवास उन्हाळ्यात गारेगार होणार आहे.

हे सुद्धा वाचा

अश्लील ऑडिओ क्लीपवर आमदार संतोष बांगर यांचा मोठा खुलासा; म्हणाले,…

शरद पवार यांच्या तुकड्यांवर कोण जगतोय?, रामदास कदम यांचा निशाणा कुणाकडे

नागपूर शहर नवरीसारखं सजलं, या पाहुण्यांचं होणार आहे स्वागत; विशेष काय?

मेट्रो, बससाठी एकच कार्ड

यावेळी केंद्रीय मंत्री गडकरी यांनी सांगितलं की, शहर बससेवेमध्ये इलेक्ट्रिक बस सुरू झाल्याने लोकांना आराम मिळणार आहे. सोबतच शहरातील प्रदूषणसुद्धा कमी होणार आहे. दिव्यांगांसाठी बसमध्ये चढण्यासाठी वेगळी सुविधा करावे. मेट्रो आणि बस करीत फक्त एकच कार्ड आता राहणार आहे. त्यामुळे तिकीट काढावी लागणार नाही. यातून तिकिटाचे पैसे कोणाला मारता येणार नाही. डिझेलचासुद्धा प्रश्न राहणार नाही.

ही नव्या युगाची सुरवात

महापालिकेची 15 वर्षे जुनी वाहने आता स्क्रॅपिंगमध्ये काढा. नागपूरसाठी देवेंद्र फडणवीस यांनी खूप काही दिलं आहे. लॉजीस्टिक पार्कची योजना तयार करून फडणवीस यांना देणार आहे. अत्याधुनिक बस स्टँड बनविण्याची योजना आहे. त्यासाठी केंद्रसुद्धा काही निधी देते. इलेक्ट्रिक बसची सुरवात ही नव्या युगाची सुरवात आहे. यामुळे प्रदूषण कमी होईल. एक हायट्रोजनवर चालणारी बस महापालिकेकडे यावी, अशी मी अपेक्षा करतो. ती बस मीच घेऊन येईन, असं आश्वासन नितीन गडकरी यांनी दिलं.