AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Ganesh Naik: राज्याच्या मंत्र्यालाच मतदार यादीतील घोळाचा मोठा फटका! मोठ्या कसरतीनंतर गणेश नाईकांनी केले मतदान

Ganesh Naik Voter List Confusion: राज्यातील 29 महापालिका निवडणुकीत EVM मशीनमध्ये बिघाडाच्या वार्ता येत असतानाच मतदार याद्यांमधील घोळाने मतदार बेजार झाल्याचे समोर आले आहे. सर्वसामान्यच नाही तर दस्तूरखुद्द राज्याचे वनमंत्री गणेश नाईकांना या घोटाळा फटका बसला. त्यांना मतदान केंद्र शोधण्यासाठी कसरत करावी लागली.

Ganesh Naik: राज्याच्या मंत्र्यालाच मतदार यादीतील घोळाचा मोठा फटका! मोठ्या कसरतीनंतर गणेश नाईकांनी केले मतदान
गणेश नाईकImage Credit source: गुगल
| Updated on: Jan 15, 2026 | 2:36 PM
Share

Navi Mumbai Municipal Corporation Election 2026: राज्यातील 29 महानगरपालिकांसाठी मतदानाचा महोत्सव सुरु आहे. पण EVM मधील बिघाड आणि तो दुरुस्तीसाठी लागणारा कालावधीमुळे अनेक मतदार वैतागले आहेत. तर दुसरीकडे मतदार यादीतील घोळामुळे अनेकांना त्यांचे मतदान केंद्रच हुडकण्यात मोठा वेळ गेला. सर्वसामान्यांनाच याचा फटका बसला नाही तर राज्याचे वनमंत्री आणि भाजपचे ज्येष्ठ नेते गणेश नाईक हे सुद्धा त्याला अपवाद ठरले नाही. त्यांना मतदान शोधताना मोठी कसरत करावी लागली. एका मतदार केंद्रावरून दुसर्‍या मतदान केंद्रावर फेऱ्या माराव्या लागल्यावर त्यांचा संताप अनावर झाला. त्यांनी निवडणूक आयोगाला याचा जाब विचारला.

नेत्यालाच मतदानासाठी हेलपाटे

राज्याचे वनमंत्री आणि भाजपचे ज्येष्ठ नेते गणेश नाईक यांना कोपरखैरणे सेक्टरमध्ये मतदार केंद्र शोधताना संताप अनावर झाला. नाईक हे सहकुटुंब मतदानाचा हक्क बजावण्यासाठी कोपरखैरणे सेक्टर 10 मधील सेंट मेरी शाळेत पोहचले. त्यावेळी त्यांना खोली क्रमांक 9 मध्ये मतदान असल्याचे प्रशासनाकडून त्यांना कळविण्यात आले. पण तिथे पोहचल्यावर 9 क्रमांकाची कोणतीही खोली नसल्याचे समोर आले. यामुळे नाईक समर्थक आणि कुटुंबियांचा गोंधळ उडाला. मंत्री गणेश नाईक हे यापूर्वी कोपरखैरणे शाळा क्रमांक 94 मध्ये मतदान करत असत. सेंट मेरी शाळेतील मतदार यादीत नाव न सापडल्याने नाईक पुन्हा जुन्या केंद्राकडे गेले. पण तिथेही त्यांचे मतदान नसल्याचे समोर आले. त्यांना पुन्हा सेंट मेरी शाळेत धाव घ्यावी लागली. इथं त्यांनी सहकुटुंब मतदानाचा हक्क बजावला. भाजप नेत्याचंच नाव निवडणूक आयोगाच्या मतदार यादीत कुठं दडलंय हे समोर येत नसल्याची चर्चा मतदान केंद्रावर रंगली.

नाईकांना आयोगाला घेतलं फैलावर

या तांत्रिक चुकीमुळे गणेश नाईक चांगलेच संतापले. नाहक या मतदान केंद्रावरून त्या मतदान केंद्रावर फेऱ्या माराव्या लागत असल्याचा त्रागा त्यांच्या चेहऱ्यावर दिसत होता. त्यांनी या सर्व प्रकारावर त्यांची नाराजी व्यक्त केली. त्यांनी निवडणूक आयोगाच्या अधिकाऱ्यांना फेलावर घेतलं. मंत्री महोदयच नाहीतर आजच्या मतदानावेळी राज्यातील अनेक महापालिका निवडणुकीतील मतदारांना या सावळ्यागोंधळाचा चांगलाच फटका बसला. काही उमेदवारांनाही त्यांचे मतदान केंद्र बदलल्याचे ऐनवेळी कळलं, त्यामुळे त्यांची धांदल उडाली तर दुसरीकडे सर्वसामान्य मतदारांना मोठा मनस्ताप सहन करावा लागला.

गणेश नाईकांचे मतदान केंद्र फरार

आज 29 महानगरपालिकेतील काही ठिकाणी EVM मधील बिघाड समोर आला. त्यामुळे मतदारांना मतदान करण्यासाठी एक तास वाट पाहावी लागली. तर बोटावरील मार्कर पेनची शाई सॅनिटायझरने पुसल्या जात असल्याच्या घटनाही समोर आल्या. मुंबईत एका ठिकाणी दुबार मतदारालाही पोलिसांनी ताब्यात घेतले. उद्धव ठाकरे आणि राज ठाकरे यांनी या सावळ्या गोंधळावर निवडणूक आयोगाला धु धु धुतले. दुपारी घेतलेल्या पत्रकार परिषदेत उद्धव ठाकरे यांनी गणेश नाईकांचे मतदान केंद्रच फरार झाल्याचा टोला लगावला. काही दिवसांपूर्वी नाईकांनी शिंदेंचा घोडे, टांगा फरार करण्याचा दावा केला होता, याची आठवण ठाकरे यांनी करुन दिली.

Follow Us
दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या....
Maharashtra Drought : दुष्काळग्रस्त तालुक्यांच्या यादीत आणखी 6 तालुक्यांची भर; कोणत्या जिल्ह्यातील कोणत्या तालुक्यांचा समावेश? व्हिडिओ बघाच 
दाऊद इब्राहिमच्या मुंबईतील घराच्या तोडक कारवाईला हायकोर्टाची स्थगिती..
Dawood Ibrahim : दाऊद इब्राहिमच्या मुंबईतील जुन्या घराच्या तोडक कारवाईला हायकोर्टाची स्थगिती; पुढील सुनावणी कधी?
500 कोटींच्या ऑडिओ क्लिपवरुन मनोज जरागेंचा नवा दावा काय?
Manoj Jarange : 500 कोटींच्या ऑडिओ क्लिपवरुन मनोज जरागेंचा नवा दावा काय?
भाजप आमदार महेश बालदींना तीन वर्षांची कारावासाची शिक्षा; निकालानंतर...
Mahesh BaldI : भाजप आमदार महेश बालदींना तीन वर्षांची कारावासाची शिक्षा; मात्र निकालानंतर...
दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय काय?
Maharashtra Drought : आधी पाणी, मग सुशोभीकरण; दुष्काळाच्या पार्श्वभूमीवर फडणवीस सरकारचा महत्त्वपूर्ण निर्णय
शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्ष..
Shivsena : BJP : शिंदे सेनेला सोडचिठ्ठी, भाजपमध्ये प्रवेश! त्या बड्या नेत्याच्या पक्षबदलाने पालघरच्या राजकारणात खळबळ
शिंदेंचा प्रवासाचा प्लॅन बदलला; रस्तेमार्गे पुण्याकडे रवाना....
Eknath Shinde : हेलिकॉप्टरमध्ये बिघाड, शिंदेंचा प्रवासाचा प्लॅन बदलला; पंढरपुरातून रस्तेमार्गे पुण्याकडे रवाना
शायना एन.सी. यांच्याविरोधात ठाकरे गटाच्या शिवसैनिकांचं आंदोलन...
Pune : बाळासाहेबांचा अवमान सहन करणार नाही...; शायना एन.सी. यांच्याविरोधात ठाकरे गटाच्या शिवसैनिकांचं आंदोलन
शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
Shivsena Supreme Court Hearing : शिवसेना पक्ष, चिन्हासंदर्भात आजची सुनावणी संपली; पुढील सुनावणी कधी?
13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ
GTA 6 Launch : तब्बल 13 वर्षांची प्रतीक्षा संपली; GTA 6 लॉन्च होताच गेमिंग विश्वात धुमाकूळ