खारघर, द्रोणागिरी, उलवे परिसरात पाणीकपात; आठवड्यातून एक दिवस पाणीपुरवठा बंद राहणार

पाणी पुरवठा व्यवस्था सुधारण्याकरिता खारघर, द्रोणागिरी आणि उलवे येथे काही कालावधीसाठी आठवड्यातून एक दिवस पाणी पुरवठा राहणार बंद असणार आहे. सिडको महामंडळाकडून ही माहिती देण्यात आली आहे.

CIDCO- water supply

Reporter Harshal Bhadane Patil | Edited By: Nupur Chilkulwar | Updated on: Sep 18, 2021 | 11:51 AM

नवी मुंबई : पाणी पुरवठा व्यवस्था सुधारण्याकरिता खारघर, द्रोणागिरी आणि उलवे येथे काही कालावधीसाठी आठवड्यातून एक दिवस पाणी पुरवठा राहणार बंद असणार आहे. सिडको महामंडळाकडून ही माहिती देण्यात आली आहे.

सिडको महामंडळाकडून खारघर, उलवे आणि द्रोणागिरी नोडमधील पाणीपुरवठा वितरण व्यवस्था सुधारण्याकरिता हाती घेण्यात आलेल्या देखभालीच्या कामांसाठी दिनांक 19 सप्टेंबर 2021 पासून काही कालावधीसाठी दर आठवड्यातील ठराविक दिवशी संबंधित नोडमधील पाणी पुरवठा 24 तासांसाठी बंद राहणार आहे.

याबाबतचे वेळापत्रक सिडकोतर्फे जाहीर करण्यात आले असून, या वेळापत्रकानुसार द्रोणागिरी आणि मजीप्रा (जेएनपीटी) येथे दर रविवारी सकाळी 08.00 वाजेपासून ते सोमवारी सकाळी 07.00 वाजेपर्यंत, खारघर नोडमध्ये दर सोमवारी सकाळी 08.00 ते मंगळवारी सकाळी 07.00 वाजेपर्यंत, उलवे नोडमध्ये दर मंगळवारी सकाळी 08.00 वाजेपासून ते बुधवारी सकाळी 07.00 वाजेपर्यंत पाणी पुरवठा बंद ठेवण्यात येईल. याची नागरिकांनी नोंद घ्यावी आणि आदल्या दिवशी पुरेसा पाणीसाठा करुन सिडकोस सहकार्य करावे, असे आवाहन सिडकोकडून करण्यात आले आहे.

कोरोनाच्या तिसऱ्या लाटेसाठी नवी मुंबई महापालिका सज्ज, आयुक्तांकडून आरोग्य सुविधांचा आढावाhttps://t.co/UbjP2mUGos #CoronaVirus #CoronaThirdWave #navimumbai

— TV9 Marathi (@TV9Marathi) September 16, 2021