आश्चर्यम ! गावात एकाच विहिरीतून यायला लागलं गरम पाणी, अचानकपणे घडलेल्या प्रकारामुळे तर्कवितर्कांना उधाण

अकोली गावातील भानुदास सोळंके यांच्या घराशेजारी ही विहीर आहे. या विहिरीतील पाणी अचानक गरम झाल्याने चर्चेला उधाण आले आहे.

आश्चर्यम ! गावात एकाच विहिरीतून यायला लागलं गरम पाणी, अचानकपणे घडलेल्या प्रकारामुळे तर्कवितर्कांना उधाण
buldhana well


बुलडाणा : संग्रामपूर तालुक्यातील अकोली येथील एक विहीर सध्या चर्चेचा विषय ठरलीय. अकोली गावातील भानुदास सोळंके यांच्या घराशेजारी ही विहीर आहे. या विहिरीतील पाणी अचानक गरम झाल्याने चर्चेला उधाण आले आहे. याच परिसरात असलेल्या दुसऱ्या विहिरीत मात्र साधारण पाणी आहे. सोळंके यांच्या घराजवळ असलेल्या या विहिरीमध्ये गरम पाणी येत असल्यामुळे अनेक तर्कवितर्क लावले जात आहेत. (hot water coming out from well of Akoli village in Buldhana district)

विहिरीतून मागील आठवड्यापासून येत आहे गरम पाणी 

मिळालेल्या माहितीनुसार बुलढाणा जिल्ह्यातील सातपुड्याच्या पायथ्याशी संग्रामपूर तालुक्यातील अकोली हे गाव आहे. या गावात भानुदास सोळंके यांच्या घराशेजारी एक विहीर आहे. या विहिरीतून मागील आठवड्यापासून अचानक गरम पाणी येत आहे. विशेष म्हणजे या विहिरीशेजारी 20 ते 25 फुटांवर दुसरी विहीर आहे. मात्र या विहिरीमध्ये सर्वसाधारण पाणी आहे.

विहिरीला पाहण्यासाठी नागरिकांची गर्दी

भानुदास सोळंके यांच्या घराशेजारी असलेल्या विहिरीतून अतिशय गरम पाणी येत असल्याने गावातील तसेच परिसरातील नागरिक या विहिरीला पाहण्यासाठी गर्दी करत आहेत. या विहिरीतील पाणी अतिशय गरम आहे. हे पाणी अंघोळीसाठी वापरायचे असेल तर त्यामध्ये बाहेरचे थंड पाणी टाकावे लागत आहे, असा दावा गावातील नागरिक करत आहेत.

पाण्याच्या नमुन्यांची चाचणी केल्यानंतरच निष्कर्ष

बुलडाणा जिल्ह्याच्या सर्व्हेक्षण विभागाशी संपर्क साधला असता त्यांनी संबंधित तहसीलदारांनी या विहिरीची पाहणी केल्याचं सांगण्यात आलं. या विहिरीतल्या गरम पाण्यासह बाजूच्या विहिरीतील पाण्याचेही नमुने तपासणीसाठी प्रयोगशाळेत पाठवण्यात आले आहेत. पाणी तपासणीनंतर विहिरीतील पाणी गरम होण्यामागचे नेमके कारण किंवा निष्कर्ष काढण्यात येईल, अशी माहिती भूगर्भ तज्ज्ञ विश्वास वालदे यांनी सांगितले आहे. त्याचबरोबर भूगर्गात अनेक हालचाली होत असतात, त्यामुळे अशा घटना घडतात. नागरिकांनी  घाबरून जाऊ नये, असे आवाहनही त्यांनी यावेळी केले आहे.

पाहा व्हिडीओ :

इतर बातम्या :

खूप जीव लावला, घरातील सदस्यासारखं वागवलं, पण मोलकरणीकडून तरीही विश्वासघात, दागिन्यांवर डल्ला

Mumbai Rains Live Update | जगबुडी नदीने ओलांडली इशारा पातळी, प्रशासनाकडून नागरिकांना सतर्क राहण्याचे आवाहन

Maratha OBC Reservation : मराठा आरक्षणावरुन रावसाहेब दानवेंनी महाविकास आघाडी सरकारला फटकारलं, ओबीसी आरक्षणावरुनही टोला

(hot water coming out from well of Akoli village in Buldhana district)

Click on your DTH Provider to Add TV9 MARATHI