Pune crime| फ्लॅटसाठी माहेरून पैसे न आणल्याच्या रागातून सासरच्या मंडळींनी विवाहितेला पाजले ॲसिड
काही महिन्यांपूर्वी रेहानने फ्लॅट विकत घेतला. त्या फ्लॅटला भरण्यासाठी फिरदोसने तिच्या माहेरहून दोन लाख रुपये घेऊन यावेत यासाठी पती रेहानने फिरदोसच्या मागे तगादा लावला. त्यासाठी सातत्याने तिला टोचून बोलणे , शिवीगाळ कारण्यास सुरुवात केली.
पुणे – शहरात महिलांवरील अत्याचाराच्या घटना दिवसेंदिवस वाढत आहे. या घटनांमध्ये हुंड्यासाठी( dowry) छळ केला जास्त असलेल्या गुन्ह्याचे(Crime) प्रमाण अधिक असल्याचे दिसून आले आहे. फ्लॅटचे पैसे फेडण्यासाठी माहेरून पैसे न आणल्याच्या कारणावरून सासरच्या मंडळींनी विवाहितेला फरशी पुसण्याचे ॲसिड पाजत जीवे मारण्याचा प्रयत्न केल्याची धक्कादायक घटना उघडकीस आली आहे. हांडेवाडी येथे हा प्रकार घडला आहे. याबाबत फिरदोस रेहान काझी (वय 23 ) यांनी फिर्याद दिली आहे. पोलिसांनी (Police) पती रेहान काझी, सासू नजमा काझी , नणंद गजाला काझी व हीना खान यांच्या विरोधात खुनाच्या प्रयत्नाचा गुन्हा दाखल करण्यात आला आहे .
अशी घडली घटना
पोलिसांनी दिलेल्या माहितीनुसार फिर्यादी फिरदोस काझी व रेहान काझी पती पत्नी आहेत. लग्नानंतर दोघेही हांडेवाडीत राहण्यासाठी आले. गेल्या काही महिन्यांपूर्वी रेहानने फ्लॅट विकत घेतला. त्या फ्लॅटला भरण्यासाठी फिरदोसने तिच्या माहेरहून दोन लाख रुपये घेऊन यावेत यासाठी पती रेहानने फिरदोसच्या मागे तगादा लावला. त्यासाठी सातत्याने तिला टोचून बोलणे , शिवीगाळ कारण्यास सुरुवात केली. यामध्ये सासू नजमा काझी व नणंद गजाला काझी व हीना खान यांनी छळ करण्यास सुरुवात केली. सतत सांगूनही पैसे आणत नसल्याने सासू व नणंदेंच्या मदतीने फारशी पुसण्याचे ऍसिड पाजत फिरदोसला पाजले. यानंतर फिरदोस यांना तातडीने रुग्णालयात दाखल करण्यात आले आहे. सद्यस्थितीला त्यांची प्रकृती स्थिर आहे. प्रकृतीत थोडी सुधारणा झाल्यानंतर पोलिसांनी त्यांचा जबाब घेऊन गुन्हा दाखल केला आहे. कोंढवा पोलीस या घटनेचा अधिक तपास करत आहेत.
नागपूर शहरात आपली बसची चाके थांबली, पगार वाढीच्या मागणीसाठी कर्मचारी संपावर, प्रवाशांचे हाल
